Agjencia Zhurnal.mk.

Armenia emëron përfaqësues special për normalizimin e marrëdhënieve me Turqinë

Zëdhënësi i Ministrisë së Jashtme të Armenisë, Vaan Unanyan ka deklaruar se qeveria do të emërojë një përfaqësues special për normalizimin e marrëdhënieve me Turqinë.

 

Unanyan në një deklaratë vlerësoi deklaratën e ministrit të Jashtëm të Turqisë, Mevlut Çavushoglu lidhur me emërimin e një përfaqësuesi special për çështjen e Armenisë, raporton atsh.

“Armenia ashtu si gjithmonë është e gatshme për procesin e normalizimit të marrëdhënieve pa parakushte me Turqinë. Në këtë aspekt e vlerësojmë pozitive deklaratën e ministrit të Jashtëm turk lidhur me emërimin e përfaqësuesit special për normalizimin e marrëdhënieve. Konfirmojmë se pala armene do të emërojë një përfaqësues special për të filluar dialogun”, tha Unanyan.

Çavushoglu, gjatë diskutimeve për buxhetin 2022 në Asamblenë e Përgjithshme të Parlamentit turk, rikujtoi se për çështjen e Armenisë do të emërohet përfaqësues special dhe jo ambasador.

“Edhe Azerbajxhani ka thënë se kjo është jashtëzakonisht e saktë. Çdo çështje ne e koordinojmë, bisedojmë me Azerbajxhanin dhe vendimet i marrim bashkë me ata. Nëse Armenia merr mësim nga përjetimet e fundit, nëse preferon paqen dhe qetësinë mund të hapet edhe ambasadë. Për këtë çështje do të vendosim sërish bashkë me Azerbajxhanin”, tha Çavushoglu.

Related posts

Shpërthimi i vullkanit shkakton tsunami në Tonga

Lea Muslija

Google lidh një marrëveshje pesëvjeçare për të paguar AFP-në për ripërdorimin e përmbajtjes gazetareske

D V

Top 15 trenat më të fuqishëm ultra të shpejtë në botë

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More