Shkup, 23 korrik – Maqedonia e Veriut në vitin e fundit ka shënuar ulje të numrit të martesave, poashtu edhe numri i divorceve është ulur, e ajo që bie në sy është fakti se martesat e përziera, pra mes etnive të ndryshme në vendin tonë ka shënuar ulje në krahasim me disa vite më parë.
Në vendin tonë në vitin 2020 është ulur numri i martesave, e që kjo gjë lidhet me shumë faktorë si aspekti demografik ku në Maqedoninë e Veriut nga viti në vit po ulet numri i banorëve, që nënkuton se ulet numri i popullsisë së re si dhe emigrimet masive që po ndodhin në vendin tone. Kjo përbën një element shqetësues sa i përket të ardhmes së vendit tonë. Aspketi pozitiv sa i përket vitit 2020 ka të bëjë me uljen e numrit të divorceve, por që kjo mund të jetë e lidhur edhe me numrine ulët të martesave, shkruan Zhurnal.
Maqedonia e Veriut është shtet multietnik, që nënkupton se aty jetojnë popuj të ndryshëm me kultura të ndryshme, e që martesat mes etnive të ndryshme janë një gjë e zakonshme në vende të tilla, por që në vitin 2020 martesat e tilla “mikse” kanë pësuar ulje në krahasim me vitet tjera.
Të dhënat e Entit Statistikor sa i përket numrit të martesave dhe realizimit të tyre në baz etnike:
| Që i përkasin bashkësisë etnike të nuses | Që i përkasin bashkësisë etnike të dhënderrit | |||||||||
| Gjithësej | Maqedonas | Shqiptar | Turk | Rom | Vlleh | Serb | Boshnjak | Të tjerë | E panjohur | |
| Gjithësej | 10.278 | 4915 | 3913 | 413 | 316 | 7 | 46 | 76 | 189 | 403 |
| Maqedonas | 4853 | 4701 | 14 | 17 | 7 | 5 | 33 | 10 | 60 | 6 |
| Shqiptar | 3905 | 32 | 3829 | 26 | 1 | – | – | 7 | 10 | – |
| Turk | 393 | 8 | 22 | 356 | – | 1 | – | 4 | 2 | – |
| Rom | 313 | 5 | 1 | 1 | 302 | – | – | – | 4 | – |
| Vlleh | 6 | 5 | – | – | – | 1 | – | – | – | – |
| Serb | 77 | 59 | 3 | – | 3 | – | 11 | – | 1 | – |
| Boshnjak | 66 | 5 | 5 | 4 | – | – | – | 5 | 2 | – |
| Të tjerë | 256 | 89 | 38 | 8 | 3 | – | 2 | 5 | 110 | 1 |
| E panjohur | 409 | 11 | 1 | 1 | – | – | – | – | – | 396 |
Sipas të dhënave të Entit Shtetëror të Statistikave, numri i martesave në vitin 2020, krahasuar me vitin 2019 është ulur me 25.6 % dhe numri i përgjithshëm i tyre arriti në 10,278. Shumica e martesave në vitin 2020 janë realizuar në muajin gusht me 1,423, kurse më pak në muajin prill me 162 ose 1.6% Mosha mesatare në martesën e parë është 27.0 vjet për femrat dhe 29.7 vjet për meshkujt.
Maqedonasit dominojnë sa i përket numrit të martesave, të dytet renditen shqiptarët, të ndjekur nga turqit, romët, vllehët, serbët, boshnjakët. Numrin më të madh të martesave maqedonasit e kanë realizur mes vete, e ndjekur “Me të tjerë”, serbët, turqit dhe shqiptarët. Shqiptarët numrin më të madh të martesave e kanë mes vete, pastaj me maqedonasit, turqit, boshnjakët dhe me etnitë e tjera, por në shifra më të ulta, shkruan Zhurnal.
Të dhënat e Entit Statistikor sa i përket divorceve sipas përkatësisë etnike në vitin 2020:
| Që i përkasin bashkësisë etnike të nuses | Që i përkasin bashkësisë etnike të dhënderrit | |||||||||
| Gjithësej | Maqedonas | Shqiptar | Turk | Rom | Vlleh | Serb | Boshnjak | Të tjerë | E panjohur | |
| Gjithësej | 1569 | 1033 | 324 | 41 | 93 | – | 23 | 17 | 29 | 9 |
| Maqedonas | 1024 | 981 | 4 | 3 | – | – | 21 | 4 | 11 | – |
| Shqiptar | 276 | 10 | 260 | 1 | – | – | – | – | 3 | 2 |
| Turk | 32 | – | – | 32 | – | – | – | – | – | – |
| Rom | 95 | 2 | 1 | – | 91 | – | – | – | – | 1 |
| Vlleh | 1 | 1 | – | – | – | – | – | – | – | – |
| Serb | 21 | 16 | 3 | – | – | – | 1 | 1 | 1 | – |
| Boshnjak | 18 | 3 | 4 | 2 | – | – | – | – | – | – |
| Të tjerë | 89 | 19 | 45 | 3 | 2 | – | – | – | 14 | 2 |
| E panjohur | 13 | 1 | 7 | – | – | – | 1 | 1 | – | 4 |
Sipas të dhënave të Entit Statistikor të Maqedonisë së Veriut numri i divorceve në vitin 2020 u ul me 21.2% krahasuar me vitin 2019 dhe arriti në 1 569. Numri më i ulët i divorceve ndodhi në muajin maj me 29 ose 1.8%, kure numri më i madh ndodhi në muajin korrik 199 ose 12.7%. Sipas kohëzgjatjes shumica e divorceve, 324 ose 20.7%, ndodhën nga 5 në 9 vjet pas martesës.
Maqedonasit prijnë sa i përket numrit të divorceve, i ndjekur nga shqiptarët, romët, turqit, të tjerët dhe serbet.
Qytete që dominojmë martesat sipas të dhënave të Entit Statistikorë të Maqedonisë së Veriut:
| Shkupi | 2605 |
| Tetova | 651 |
| Gostivari | 511 |
| Çairi | 427 |
| Kumanova | 443 |
Këto të dhëna na tregojnë se numri i martesave dhe divorceve në Maqedonisë e Veriut është ulur, në krahasim me vitin 2019, dhe me shumë gjasë ky trend do të vazhdojë edhe në vitet në vijim, e që e gjithë kjo do të ndikojë në uljen demografike të vendit tonë.//Zhurnal.mk
