Agjencia Zhurnal.mk.

Aliti para ndeshjes me Suedinë: Do të bëjmë të pamundurën për t’i gëzuar Dardanët

Përfaqësuesja e Kosovës ka mbajtur stërvitjen e radhës, ku djelmoshat dardanë kanë stërvitur në kompleksin e FFK-së në Hajvali.

Ka qenë një stërvitje e mirë edhe pse në kushte të vështira me mot me shi.

Pas stërvitjeve, ka folur mbrojtësi i Kosovës dhe skuadrës zvicerane Zurich, Fidan Aliti.

Aliti ka thënë se moti i sotëm me shi i përshtatet, pasi mot i njëjtë pritet të mbajë edhe të shtunën në Stockholm.

“Moti ishte pak i vështirë, por ne si futbollistë jemi mësuar të stërvitim edhe në këso kushte”.

“Madje, mendoj se kjo ka qenë një përgatitje e mirë për Suedi, ngase edhe atje na pret një mot i tillë. Kësaj radhe kemi pasur kohë të mjaftueshme për t’u përgatitur për këtë ndeshje të rëndësishme për neve dhe besoj se secili prej neve është 100 për qind i gatshëm për lojë”, tha Aliti.

Tutje mbrojtësi i Dardanëve ka deklaruar se pret që në Suedi të ketë shumë tifozë shqiptarë për ta përkrahur Përfaqësuesen e Kosovës.

Aliti ka thënë se shpresojnë që t’i gëzojnë Dardanët me një rezultat pozitiv nga përballja me Suedinë.

“Ka qenë një kohë e gjatë që nuk kemi luajtur para “Dardanëve” dhe normalisht se çdo herë ndjehemi krenar kur luajmë para tyre”.

“Një falënderim i madh shkon për ata, ngase vazhdimisht na përkrahin kudo që shkojmë. Njëjtë do të jetë edhe në Suedi dhe besoj se edhe ne do t’ua bëjmë një dhuratë me rezultat pozitiv”, u shpreh Aliti.

Kosova do të përballet në udhëtim me Suedinë të shtunën me fillim nga ora 18:00 në Friends Arena.

Related posts

Me çfarë probleme përballet Gjykata Kushtetuese? Krerët shtetërorë takojnë Kacarskën

Z.H

Nga nesër hiqet formulari PLF i detyrueshëm për hyrje në Greqi

Z.H

Përcaktohet teksti i Marrëveshjes për kushtet për qasje të lirë në tregun e punës në Ballkanin Perëndimor

D V

This website uses cookies to improve your experience. We'll assume you're ok with this, but you can opt-out if you wish. Accept Read More