Agjencia Zhurnal.mk.

Albin Kurti vizitoi prodhuesit e mineraleve dhe materialeve ndërtimore

Kryeministri i Republikës së Kosovës, Albin Kurti, së bashku me ministren e Industrisë, Ndërmarrësisë dhe Tregtisë, Rozeta Hajdari, vizituan prodhuesin vendor të mineraleve dhe materialeve ndërtimore “Pofix”, në Lipjan.

 

Pronarët e biznesit i njoftuan ata se kanë të punësuar 75 punëtorë, paga mesatare e të cilëve sillet rreth 550 euro neto. Ata theksuan se përkundër vështirësive nuk e kanë zvogëluar numrin e punëtorëve gjatë pandemisë.

“Pofix” prodhon 600 tonë llaçe dhe ngjitës në ditë, afër 40 për qind për eksport, sidomos në Shqipëri, Maqedoni të Veriut dhe Mal të Zi, por edhe në Gjermani e Zvicër.

Shtrenjtimi i lëndës së parë që e importojnë dhe mungesa e certifikatave CAM dhe ETA u diskutuan si çështje sfiduese në punë.
Procesi i automatizuar teknologjik është garanci e sasisë dhe cilësisë së prodhimit me standarde evropiane.

“Pofix” ofron lloje të shumta të produkteve minerale si materiale për përdorim të jashtëm dhe të brendshëm: llaçe themelore, llaçe dekorative, llaçe për rrafshim, ngjitës për ndërtimtari etj

Related posts

Propozimi i ZRRE-së, tabelat e rritjes së çmimit të energjisë elektrike

D V

Kosova regjistron 356 raste të reja me COVID-19

D V

Qeveria e bindur se këtë vit arrihet vaksinimi i 60% të popullsisë, mjekët skeptik

D V

This website uses cookies to improve your experience. We'll assume you're ok with this, but you can opt-out if you wish. Accept Read More