Agjencia Zhurnal.mk.

Alban Hyseni i LVV-së mposhtë Lutfi Hazirin e LDK-së në Gjilan

Alban Hyseni i Lëvizjes Vetëvendosje e ka mposhtur në Gjilan Lutfi Hazirin e Lidhjes Demokratike të Kosovës.

 

Komisioni Qendror i Zgjedhjeve ka publikuar rezultatet preliminare ku tashmë janë numëruar 100 për qind të votave.

Sipas këtyre rezultateve Hyseni i LVV-së ka fituar 51.03 për qind të votave, apo saktësisht 21 mijë e 374 vota.

Në anën tjetër, tashmë ish-kryetari i Gjilanit, Lutfi Haziri ka marrë 48.97 për qind ose 20 mijë e 515 vota.

Kandidati i Lidhjes Demokratike të Kosovës për kryetar të Gjilanit, Lutfi Haziri ka pranuar humbjen e kësaj komune duke i uruar fitore kundërkandidatit të tij, Alban Hyseni, i cili vjen nga radhët e Lëvizjes Vetëvendosje.

Pas publikimit të rezultateve preliminare nga Komisioni Qendror i Zgjedhjeve, Haziri i cili është kryetar aktual i Gjilanit, ka thënë se në kuvend komunal LDK është shumicë.

“Zgjidhën tashmë kryetarin e ri të cilin tashmë në emër të LDK dhe në emër tim e përgëzoj për rezultatin e arritur. Zotëri Alban Hyseni do të jetë kryetar i zgjedhur i Gjilanit pasi që të konfirmohen rezultatet nga ana e KQZ-së dhe e ka urimin tim të parë si kryetar në detyrë. Nga nesër do të vazhdoj të ndërtoj ekipe për tranzicion sipas detyrës zyrtare duke qenë kryetar në detyrë do të përgatis të gjithë infrastrukturën dhe bartjen e detyrave sipas përgjegjësive që më takojnë”, ka thënë Haziri në një konferencë për media.

Haziri ka thënë se do të vazhdojë nga kapacitete të tjera politike të jetë i përfshirë në zhvillimin e qytetit të Gjilanit. 

Related posts

Nagavci ka një kërkesë për mësimdhënësit: Shtatori duhet të na gjejë me punëtorë arsimorë të vaksinuar

D V

Flet xhaxhai i nxënësit që humbi jetën në Gllogjan: Vëllai e gjeti të gjallë Ledionin në autobus, ai vdiq më pas

D V

Kurti: KE ta marrë parasysh propozimin që të avancojmë CEFTA-n në SEFTA, dhe të fillojë një dialog që do të çonte në rezultate konkrete

D V

This website uses cookies to improve your experience. We'll assume you're ok with this, but you can opt-out if you wish. Accept Read More