Agjencia Zhurnal.mk.

Aksioni “Bregdeti ynë”, numër i vogël subjektesh pa leje

Në ditën e dytë të operacionit “Bregdeti ynë”, për lirimin e hapësirave bregdetare të zaptuara në mënyrë të paligjshme, policia e Fierit ka vijuar punën në bregdetin e Pishë-Poros.

 

Pas kontrollit për lejen e ushtrimit të aktivitetit, është gjetur një numër i vogël subjektesh që nuk e dispononin atë, të cilëve u janë hequr shezlonget dhe çadrat.

Kontrolli i bregdetit te Pishe-Poros vjen pas atij te zhvilluar ditën e djeshme ne Seman dhe Darëzezë ku u evidentuan 13 subjekte pa leje, 8 në Seman dhe 5 në Darëzezë, ku janë hequr 799 shezlongë dhe 398 çadra.

Gjatë aksionit të këtyre dy ditëve, tregëtarët e konsideruar të paligjshëm nuk kanë patur kundërshtime për heqjen e çadrave dhe shezlongëve përgjatë vijës bregdetare.

Aksioni përgjatë 22 km vijë bregdetare që ka Fieri, po kryhet nga një Task-Forcë e veçantë në përbërje të së cilës janë 2 grupe FNSH, shërbime të Komisariatit të Policisë Fier, Policia Bashkiake, Inspektorati i Territorit të kontrollit dhe zyra e Tatimeve të bashkisë Fier. Operacioni do vijojë edhe në ditët në vazhdim për lirimin e hapësirave bregdetare të zaptuara në mënyrë të kundërligjshme.

Related posts

Rama publikon projektin e parkut të madh “Vala” që do ndërtohet në qytetin bregdetar

Z.H

Mbetet në burg Shefqet Lika, djemtë i dalin në mbrojtje

Xh M

Nxirren nga kampi i ferrit në Siri 9 fëmijë shqiptarë dhe 4 gra

D V

This website uses cookies to improve your experience. We'll assume you're ok with this, but you can opt-out if you wish. Accept Read More