Portieri i Ajax-it, Andre Onana ka bërë aksident të rëndë me makinë në Kamerun mëngjesin e sotëm, ndërsa ishte duke udhëtuar në rrugën midis Yaounde dhe Doulalas.
Për fat të mirë portieri i ardhshëm i Interit doli nga makina i padëmtuar, teksa Range Roveri i tij u shkatërrua plotësisht nga përplasja me një makinë fuoristradë.
Sipas raportimeve edhe personat që ndodheshin në makinën tjetër nuk kanë marrë dëmtime serioze.
Onana ndodhet aktualisht në Kamerun për të luajtur play-off-in e Botërorit dhe ndeshja e parë e kombëtares së portierit luhet të premten në shtëpi kundër Algjerisë.