Agjencia Zhurnal.mk.

Abidixhiku për koalicionet me PDK-në: Në Prizren s’besoj që do ketë, në Prishtinë vendos Rama

Kryetari i Lidhjes Demokratike të Kosovës, Lumir Abidixhiku, i është përgjigjur akuzave të krerëve të Lëvizjes Vetëvendosje se Përparim Rama ka fituar falë mbështetjes së PDK-së, ndërsa Shaqir Totaj në Prizren falë ndihmës së LDK-së.

 

Abidixhiku, tha se ofendohet qytetari i Prishtinës dhe Prizrenit nëse mendohet kështu.

Sipas tij, në shumë prej komunave në rundin e dytë kanë pasur garë me Partinë Demokratike të Kosovës dhe nuk mund të kishte një koalicion të tillë.

Abdixhiku sqaroi se në Prizren nuk ka pasur ndihmë strukturore dhe nuk pret koalicion tashmë me PDK që do të udhëheqë me Komunën, ndërsa në Prishtinë tha se i takon Përparim Ramës.

“Nuk ka pas ndihmëse strukturore (për PDK-në) në Prizren dhe nuk besoj që do të ketë koalicion në Prizren. Prishtina? Do të vendos Përparim Rama, ai është kryetar i Prishtinës, le ta zgjidh ai këtë punë”, deklaroi Abdixhiku.

Kryetari i LDK-së u shpreh se nuk do të interferojë në punën e asnjë kryetari Komune që vjen nga partia e tij, përpos që do t’i jap mbështetje politike.

“Po të më thoni se ku është Komuna e Pejës, për besë nuk e di. Atje Gaz Muhaxheri ka besimin tonë të plotë. Edhe Imri Ahmeti e edhe Përparim Rama. Ne mund vetëm t’u ofrojmë mbështetje të plotë politike. Do mbështesim projektet e tyre”, tha ai në T7.

Related posts

Osmani: Kosova në NATO, do t’i kontribuonte paqes dhe stabilitetit në rajon

Redaksia

Presidenti i Federatës së Industrive austriake i gatshëm për bashkëpunim me Kosovën

D V

Kosova në 24 orët e fundit regjistron 15 raste të reja me Kovid-19

N E

This website uses cookies to improve your experience. We'll assume you're ok with this, but you can opt-out if you wish. Accept Read More