Shkup, 23 shtator – Janë ndëshkuar 181 shoferë gjatë ditës së djeshme në zbatimin e aksionit të kontrollit të përforcuar në territorin e Republikës së Maqedonisë së Veriut për sanksionimin e automjeteve të cilat lëvizin me shpejtësi më të madhe se shpejtësia e lejuar.
Prej tyre gjashtë automjete kanë lëvizur me shpejtësi mbi 50 kilometra në orë më shumë se shpejtësia e lejuar, ndërsa dy automjete kanë lëvizur me madje 70 kilometra në orë më shumë se shpejtësia e përcaktuar. Me këtë rast informojnë nga MPB-ja, 103 shoferë e kanë tejkaluar shpejtësinë në vend të banuar, ndërsa 78 jashtë vendit të banuar.
Kontrollet e përforcuara të veprimit vazhdojnë.
