Seanca të reja për “Talir”, “Arka” dhe Spiuni”
maqedonia
Seanca të reja për “Talir”, “Arka” dhe Spiuni”

Seanca të reja për “Talir”, “Arka” dhe Spiuni”

Shkup, 16 prill - Në Gjykatën penale në Shkup për sot janë caktuar seanca për lëndët e  e Prokurorisë Speciale Publike “Talir”, “Arka” dhe “Spiuni”.

Në rastin “Talir” të akuzuar janë Nikolla Gruevski, Kiril Bozhinovski dhe Mile Janakieski të cilët ngarkohen për “keqpërdorim të pozitës dhe autorizimit zyrtar” dhe “larje parash”, si dhe Ilija Dimovski, leko Ristoski dhe Elizabeta Çingarovska të akuzuar vetëm për veprën “larje parash”. Për veprën e njejtë, si subjekt juridik me aktakuzë është përfshirë edhe VMRO-DPMNE.

E akuzuara Elizabeta Çingarovska nuk gjykohet sepse ajo bëri marrëveshje me PSP-në, pranoi fajin dhe mori dënim me kusht, burg prej dy viteve, të cilin nuk do ta kryejë nëse në pesë vitet në vijim nuk kryen vepër tjetër penale.

Sipas aktakuzës, ata në mënyrë joligjore morën së paku 4,6 milionë euro për partinë, e më pas organizuan që ato para të paguhen në xhiro-llogari të partisë përmes fletëpagesave në emra të njerëzve të ndryshëm.

Në rastin “Arka”, i akuzuar i parë është ish-drejtori i DSK-së, Sasho Mijallkov, si dhe ish-shefi i kabinetit të tij, Toni Jakimovski, ish-ndihmës ministri në MPB, Nebojsha Stajkoviq dhe ish-shefi i Drejtorisë së pestë në MPB, Goran Grujevski.

Ata ngarkohen për keqpëdorim të pozitës dhe autorizimit zyrtar dhe shkaktim të dëmit në Buxhet në vlerë prej 862.045 euro për furnizim të pajisjes elektro-komunikuese për nevojat e Drejtorisë së pestë pranë DSK-së dhe pajisje për shfrytëzimin e saj nga ndërmarrja nga Britania e Madhe.

Në gjykatë për sot është caktuar edhe seancë për lëndën “Spiuni”. Në procedurë të shkallë së parë për këtë rast u dënuan të gjithë 19 të akuzuarit. Dënimin më të lartë me burg e mori i dyshuari i parë Marjan Efremov, ndërsa mes të dënuarit për bashkëpunim me shërbimet e huaja sekrete janë edhe ish-gjenerali i njësisë “Luanët”, Goran Stojkov, ish-drejtori i Drejtorisë për parandalim të larjes së parave, Vane Cvetanov dhe ish-funksionari i lartë në DSK, Aleksandar Dinevski.

© ZHURNAL 16.04.2019, 09:08 | Xh.I. | 515 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Emrat Forumi i gruas i BDI-së zgjodhi kryesinë e re, ja kush janë
Tërmet dridhë Maqedoninë e Veriut
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
LIVE: Ahmeti: Kur ne bojkotuam Ivanovin, vetëm Sela e Reka e kanë votuar për president!
Kryeministri Zaev ka një lajm të mirë për pagat
Fërçkoski nuk ka mohuar autenticitetin e zërit të tij dhe të Albert Musliut