Mickovski: Siljanovska-Davkova është simbol i të drejtës dhe drejtësisë
zgjedhjet-presidenciale
Mickovski: Siljanovska-Davkova është simbol i të drejtës dhe drejtësisë

Mickovski: Siljanovska-Davkova është simbol i të drejtës dhe drejtësisë

Shkup, 15 prill - Kryetari i VMRO-DPMNE-së, Hristijan Mickovski sot në miting u drejtua para qytetarëve të komunës së Vallandovës, ku porositi se VMRO-DPMNE-ja është organizatë e popullit dhe populli është organizatë.

Mickovski theksoi se këto zgjedhje janë zgjedhje ku vendoset ardhmëria e Republikës së Maqedonisë dhe qytetarëve, duke theksuar se është e nevojshme mbështetje masive për kandidaten prof.Gordana Siljanovska-Davkova.

Këto nuk janë vetëm zgjedhje presidenciale, kjo është më shumë se aq, këto janë zgjedhje ku vendoset për ardhmërinë e atdheut tonë. Prandaj është e nevojshme më 21 prill dhe më 5 maj masovisht të dalim dhe ta mbështesim presidenten e ardhshme të Republikës së Maqedonisë, thotë Mickovski.

Ai tha se në mitingun e djeshëm të LSDM-së dhe Pendarovskit u ka ndodhur një debakël, sepse qytetarët nuk u kanë dhënë mbështetje, duke potencuar se kjo u ndodh për shkak të asaj që në zgjedhjet e parakohshme parlamentare në vitin 2016 dhe në ato lokale në vitin 2017 u kanë premtuar disa projekte dhe jetë qytetarëve, por asgjë nga kjo nuk kanë realizuar.

Njeriun që turpërohet nga pakica personale në vendet fqinje sot e shohim në sheshet e zbrazëta si kërkon votë sërish nga maqedonasit. Por ka harruar se ka kaluar koha e politikanëve të tillë si ai. Kaloi koha e atyre mashtruesve dhe gënjeshtarëve, thotë Mickovski.

Sipas tij, zgjedhja është më se e qartë sepse nga njëra anë populli mund të zgjedhë midis Pendarovskit i cili është përzgjedhur në një mënyrë mafioze dhe nga ana tjetër prof.dr. Siljanovska-Davkova e cila është simbol i të drejtës dhe drejtësisë.

Mickoski para qytetarëve deklaroi se padrejtësitë të cilat ndodhin me qeverinë e LSDM-së dhe Zaevit duhet të ndalojnë sa më parë sepse ato janë vetëm në dëm të qytetarëve, derisa ata pasurohen qytetarët çdo ditë po përballen me probleme gjithnjë e më të mëdha, duke shtuar se fermerët këtë e kanë ndjerë pikërisht edhe në Vallandovë ku edhe krahas asaj që u kanë premtuar blerje të garantuar dhe subvencione më të mëdha, jo vetëm që i kanë gënjyer dhe mashtruar, por edhe nuk dëshirojnë t’i dëgjojnë problemet e tyre reale.

Mickoski në fund kërkoi nga qytetarët së bashku dorë për dore të qëndrojë me të dhe VMRO-DPMNE-në dhe të japin mbështetje masive për kandidaten për presidente të VMRO-DPMNE-së prof.dr. Gordana Siljanovska-Davkova më 21 prill dhe më 5 maj, sepse vetëm ajo mund ta kthejë drejtësinë në Maqedoni.

© ZHURNAL 15.04.2019, 21:54 | T.E. | 369 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Tërmet dridhë Maqedoninë e Veriut
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
BDI përsëri mposht Aleancën dhe Besën në Dibër
Jozyrtarisht: Hekuran Duka i BDI-së në epërsi në komunën e Dibrës
LIVE: Ahmeti: Kur ne bojkotuam Ivanovin, vetëm Sela e Reka e kanë votuar për president!
Spasovski: Humbën një kolegë të ndershëm