Presidencialet, KSHZ: Jemi në përgatitjet e fundit
maqedonia
Presidencialet, KSHZ: Jemi në përgatitjet e fundit

Presidencialet, KSHZ: Jemi në përgatitjet e fundit

Shkup, 15 prill - Po bëhen përgatitjet e fundit për votimin e 21 prillit dhe të personave të cilët do të votojnë një ditë përpara. KSHZ-ja është duke shpërndarë materialin jo të besueshëm zgjedhor ndërkohë që së shpejti, në Komsionet Komunale Zgjedhore do të shpërndahen edhe materialet më të rëndësishme.

"Sa i takon materialit të besueshëm zgjedhor, atë material e distribuon Komisioni Shtetëror i Zgjedhjeve dhe kjo do të bëhet më 17 prill, të gjithë komisionet komunale do të fitojnë materialin e besueshëm zgjedhor, gjegjësisht materialin tjetër të nevojshëm", deklaroi Admir Shabani, KSHZ .

Në KSHZ, të mërkurën do të votojnë anëtarët e këshillave zgjedhor që do të shpërndahen në njësitë konsulore diplomatike për të zbatuar votimin në diasporë ku të drejtë vote kanë fituar 1781 votues në 32 përfaqësi konsullore dhe diplomatike. Ndërkohë që së shpejti, KSHZ-ja do të vendosë se sa nga personat e sëmurë dhe të paaftë që janë paraqitur për të votuar në shtëpi, do ta fitojnë këtë të drejtë.

"Presim që brenda ditës së sotme ta konfirmojmë edhe numrin e përgjithshëm të këtyre personave. Sapo të konfirmohet ky numër do të rrjedhë edhe afati tjetër plotësues për personat të cilët votojnë një ditë para, ato janë personat të cilët gjenden në burgim shtëpiak dhe ky afat përfundon më 17 prill, gjegjësisht është afati i fundit kur këto persona duhet të dërgojnë kërkesë ose njoftim deri te Komisionet Komunale të Zgjedhjeve", tha Admir Shabani, KSHZ.

Nga gjithsej 3480 vendvotime, në këtë cikël nuk do të votohet në 82 prej tyre për shkak se numërojnë më pak se 10 votues të regjistruar. Votuesit e këtyre vendvotimeve do të drejtohen në vendvotimin më të afërt. Të drejtë vote në vend kanë gjithsej 1.808.131 qytetar. Prej tyre 1 726 696 do të votojnë në ditën e zgjedhjeve kurse të tjerët janë në anekse të posaçme dhe mund të votojnë një ditë përpara. Për arritjen e censusit prej 40% në rrethin e dytë të zgjedhjeve presidenciale do të duhet të votojnë të paktën 723.252 persona.

© ZHURNAL 15.04.2019, 15:54 | Xh.I. | 574 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Tërmet dridhë Maqedoninë e Veriut
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
BDI përsëri mposht Aleancën dhe Besën në Dibër
Jozyrtarisht: Hekuran Duka i BDI-së në epërsi në komunën e Dibrës
LIVE: Ahmeti: Kur ne bojkotuam Ivanovin, vetëm Sela e Reka e kanë votuar për president!
Spasovski: Humbën një kolegë të ndershëm