Huawei MateBook E 2019 është PC i lidhur me CPU Snapdragon 850 me Windows 10
teknologji
Huawei MateBook E 2019 është PC i lidhur me CPU Snapdragon 850 me Windows 10

Huawei MateBook E 2019 është PC i lidhur me CPU Snapdragon 850 me Windows 10

Huawei e ka prezantuar në heshtje laptopin e ri MateBook në një konferencë në Shanghai, e cila aktualisht është duke u zhvilluar. Bëhet fjalë për MateBook E 2019, i cili është një laptop i konvertueshëm 2-in-1 dhe i cili e përdor Windows 10. Ndryshimi më i madh i këtij modeli, në krahasim me paraardhësit e tij, është se nuk e përdorur më procesorin Intel, por në vend të tij e implementon Snapdragon 850, raporton GSMArena.

Sipas specifikimeve, laptopi mund të klasifikohet diku në mes të modeleve iPad Pro dhe Microsoft Surface. Pajisja e ka një mbajtës të integruar për përdorim në modin e tabletit ose PC (me tastierë shoqëruese) dhe gjithmonë e ka të aktivizuar lidhjen LTE falë çipsetit Snapdragon 850. Ofrohet edhe eSIM i integruar dhe një sensor i gjurmëve të gishtave anash.

Specifikimet janë kryesisht të ngjashme me gjeneratën e mëparshme të modelit MateBook E. Laptopi e ka një ekran 12 inçësh QHD me raport prej 3:2. Ekzistojnë dy variante, me mbështetje për konfigurim 4GB LPDDR4x RAM + 128GB hapësirë ose 8GB + 256GB. Pajisja e ka një tastierë të ndashme dhe ofron mbështetje për Huawei M-Pen me 2048 nivele presioni, shkruan KOHA Ditore.Huawei MateBook E 2019 do të shitet me një çmim prej rreth 595 dollarësh për modelin bazik me 4GB RAM dhe 128GB hapësirë ruajtëse. Çmimet dhe disponueshmëria për Evropën dhe pjesën tjetër të tregut botëror nuk janë publikuar tani për tani.

© ZHURNAL 15.04.2019, 10:33 | L.E. | 517 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Tërmet dridhë Maqedoninë e Veriut
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
Jozyrtarisht: Hekuran Duka i BDI-së në epërsi në komunën e Dibrës
LIVE: Ahmeti: Kur ne bojkotuam Ivanovin, vetëm Sela e Reka e kanë votuar për president!
Fërçkoski nuk ka mohuar autenticitetin e zërit të tij dhe të Albert Musliut
BDI përsëri mposht Aleancën dhe Besën në Dibër