Tevdovski: Nga Uashingtoni kthehemi me shumë projekte të dakorduara për përshpejtimin e rritjes ekonomike
ekonomi
Tevdovski: Nga Uashingtoni kthehemi me shumë projekte të dakorduara për përshpejtimin e rritjes ekonomike

Tevdovski: Nga Uashingtoni kthehemi me shumë projekte të dakorduara për përshpejtimin e rritjes ekonomike

Shkup, 15 prill - Republika e Maqedonisë së Veriut është ekonomi e vogël dhe e hapur, rreziqe ekzistojnë, por edhe FMN e zvogëloi projeksionin për rritje ekonomike për një numë të madh shtetesh, e jona në fakt është rritur dhe kjo e valorizon politikën e suksesshme ekonomike dhe fiskale të Qeverisë, ka deklaruar për MIA ministri i Financave, Dragan Tevdovski.

Delegacioni i udhëhequr nga Tevdovski dhe guvernatorja e Bankës popullore Anita Angellovska- Bezhoska e ka përfunduar qëndrimin disaditore të Takimeve pranverore të grupacionit të Bankës Botërore dhe FMN-së në Uashington.

"Kemi fillim të mbarë të vitit. Industria ka shënuar rritje prej afër 10 për qind. Eksporti është rritur për 6.8 për qind. Është rritur aktiviteti kreditor- si tek amvisëritë ashtu edhe te kompanitë. Pagesa e të ardhurave në buxhet është në kuadër të projeksioneve. Stabilitetin që e sjell NATO u jep besim investitorëve ndërsa efekti ende do të multiplifikohet", ka thënë Tevdovski.

Sipas tij, pritjet janë që këtë vit do të realizohet projeksion prej 3.2 për qind, derisa në afatmesëm rritja do të jetë më e shpejtë. Për vitin e ardhshëm. Qeveria ka projektuar katër për qind rritje per te cilen ministri thekson se është i realizueshëm, ndërsa edhe mund të kapërcehet.

"Këtu bëjnë pjesë edhe disa projekte infrastrukturore të cilat i paralajmëruam dhe kemi filluar procedurë. Këtu është edhe projekti për lehtësimin e tregtisë dhe transportit të Ballkanit Perëndimor për të cilin ligji është përgatitur dhe është në procedurë kuvendore. Poashtu, këtu është edhe ndërtimi rehabilitimit të rrugëve lokale prej 70 milionë euro", ka thënë Tevdovski.

Në kuadër të kësaj, ka shtuar se ka edhe më shumë projekte që i takojnë zhvillimit të kapitalit njerëzor, modernizimit të arsimit primar dhe sistemit pensional, por edhe shëndetësia.

"Kemi agjendë ambicioze për bashkëpunim e cila është e realizueshme. Jam i kënaqur që në takimet është theksuar mbështetja e Bankës botërore për procesin reformues që zhvillohet në Maqedoninë e Veriut”, ka thënë Tevdovski.

Sipas tij, projekte tjera të dakorduara gjatë Takimeve pranverore përfshijnë edhe projekte me Institucionin Ndërkombëtar Financiar (IFC) dhe Bankën Evropiane për Investim (BEI).

"Ndahen projekte për IFC-në në të cilin rrjetizohen kompanitë vendore me investimet e huaja në ZZHTI. Ata dhanë pajtueshmëri se do të mbështetet ky projekt. Përfitimet për kompanitë tona janë të mëdha: fitojnë punë, mundësi për rangim në tregjet e reja, knou-hou", ka deklaruar Tevdovski.

"Këto janë projekte të mëdha në të cilën kemi mbështetje nga Banka. Poashtu, javën e ardhshme BEI do të transferojë 15 milionë euro- kësti i parë prej gjithsej një miliardë euro për kredi të lira për ndërmarrje të vogla dhe të mesme. Me të do të financohen 39 projekte që do të thotë investime të reja dhe vende të reja të punës”, ka shtuar ministri

Lidhur me projeksionin për ngadalësimin e rritjes ekonomike në ekonominë globale, Tevdovski ka thënë se ajo ka qenë e pritshme, nëse merren parasysh pasiguria dhe rreziqet e luftërave tregtare dhe Bregzitit./Zhurnal.mk

© ZHURNAL 15.04.2019, 10:29 | Z.H. | 489 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Tërmet dridhë Maqedoninë e Veriut
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
Jozyrtarisht: Hekuran Duka i BDI-së në epërsi në komunën e Dibrës
LIVE: Ahmeti: Kur ne bojkotuam Ivanovin, vetëm Sela e Reka e kanë votuar për president!
BDI përsëri mposht Aleancën dhe Besën në Dibër
Fërçkoski nuk ka mohuar autenticitetin e zërit të tij dhe të Albert Musliut