BMW-ja prezanton serinë e radhës, duket si një “bishë”
auto
BMW-ja prezanton serinë e radhës, duket si një “bishë”

BMW-ja prezanton serinë e radhës, duket si një “bishë”

Prodhuesi i njohur gjerman i veturave luksoze, BMW, e ka prezantuar modelin më të ri të X3-shit, atë X3 M Competition. Kjo veturë ka motor me vëllim 3.0 litra dhe gjashtë cilindra.

Motori i modelit të ri është i përforcuar me turbo të teknologjisë “M Twin Power Turbo” dhe ka sisteme të reja të ftohjes së motorit dhe të furnizimit me vaj. Vetura BMW X3 M do t’i ketë 480 kuaj fuqi, ndërsa X3 M Competition do t’i ketë 510 kuaj fuqi.

Shpejtësinë nga 0 deri 100 kilometra në orë modeli X3 M e arrin për 4.2 sekonda, ndërsa modeli X3 M Competition për vetëm 4.1 sekonda. Përndryshe, shpejtësia maksimale e veturës është e kufizuar në mënyrë elektronike në 250 kilometra në orë. Sidoqoftë, me kërkesën e blerësit, kjo shpejtësi mund të rritet në 280 kilometra në orë për modelin X3 M dhe në 285 kilometra në orë për modelin X3 M Competition.

Vetura e re është e pajisur me ndërruesin automatik me tetë shpejtësi, ndërsa vozitësit mund t’i zgjedhin tri modele të ndryshme të ndërrimit të shpejtësive. Modeli i parë i ndërrimit të shpejtësive shërben për vozitje ekonomike, modeli i dytë e bën veturën më sportive, ndërsa modeli i tretë shërben për ndërrimin më të shpejtë të shpejtësive dhe e bën veturën edhe më agresive.

Modelet X3 M dhe X3 M Competition janë vetura që tërheqin me të gjitha rrotat, por fuqia mund të dërgohet më shumë në një rrotë të caktuar në mënyrë elektronike. Vetura ka tri modele të vozitjes: Comfort, Sport dhe Sport+.

© ZHURNAL 15.04.2019, 10:28 | L.E. | 1,741 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Tërmet dridhë Maqedoninë e Veriut
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
Jozyrtarisht: Hekuran Duka i BDI-së në epërsi në komunën e Dibrës
LIVE: Ahmeti: Kur ne bojkotuam Ivanovin, vetëm Sela e Reka e kanë votuar për president!
BDI përsëri mposht Aleancën dhe Besën në Dibër
Fërçkoski nuk ka mohuar autenticitetin e zërit të tij dhe të Albert Musliut