Bizneset e vogla përballen me mungesën e punëtorëve
ekonomi
Bizneset e vogla përballen me mungesën e punëtorëve

Bizneset e vogla përballen me mungesën e punëtorëve

Shkup, 14 prill - Nëpër lokale të shumta afariste, pothuajse në të gjitha qytetet, vërehen afishe se kërkojnë punëtorë. Pronarët thonë se ka mungesë të fuqisë punëtorë të profesioneve të ndryshme.

Ky berber është i detyruar të punoj i vetëm në dyqanin e tij. Ai thotë se ka punë, por nuk mund të gjej punëtorë, madje nuk ka pothuajse fare interesim nga praktikantët.

Për punëtorë kemi shumë nevojë por punëtor nuk ka momentalisht. Ka krizë për punëtorë jo vetëm në këtë zanat, por si në butiqe, si në kafene dhe në këtë qendrën e re tregtare shumë problem kanë në gjetjen e punëtorëve sepse ata po ikin jashtë.”- theksoi Bekim Bajrami,  Berber.

Kërkojmë prej një kohe të gjatë punëtorë, kemi nevojë por nuk ka sepse shumë kanë dal jashtë shtetit. Paga është e ulët dhe më shumë po shkojnë jashtë. Si gjithë, për fillim 200 euro.”- pohoi Afarist.

Përderisa, punëtore femra kërkohen nëpër butiqe, situatë e ngjashme është edhe nëpër objektet hotelerie, bare e restorante. Pronarët ankohen se profesioni i kamarierit nuk është më në listën  e të rinjve, të cilët kërkojnë punë.

Për një vit e gjysmë kam pasur kamarier për shkurt kohë, nga një muaj por dalin jashtë me viza pune siç është trendi tash e dini. Në tre muajt e fundit nuk ka punëtorë, vështirë të gjej kamarier sepse rrogat janë të vogla sepse aq kemi mundësi t’i paguajmë.”- tha Betim Imeri, Pronar i kafeterisë. Rrogat janë diku 15 mijë denarë plus sigurimet që paguhen, por është vështirë të gjejmë sepse vjen e punon 1-2  muaj merr dy rroga e shkon, ose nuk i punohet. Është problem, unë kam pasur punëtore të rregullta përpara, me vite kanë punuar, po kanë dal kanë shkuar.”- u shpreh një Afarist

Nga Oda Ekonomike e Maqedonisë Veri-Perëndimore thonë se deficit të kuadrove të kualifikuar vërehet jo vetëm te bizneset e vogla.

Trendi emigracionit të të rinjve është shqetësues, por tani kemi edhe fuqinë e kualifikuar punëtore. Mund të them me shumë përgjegjësi se të gjitha kompanitë pa marrë para sysh madhësitë e tyre, apo sektorin industrial që ato operojnë kanë problem më madh pasi që një pjesë solide e punëtorëve të tyre, apo kryesorët që janë në pozita ikin nga vendi dhe kjo paraqet një problem të madh.”- theksoi Drilon Iseni, Drejtor Ekzekutiv i OEMVP-së

Kompanive të mesme dhe të mëdha, të cilat janë nën administrimin e kësaj Ode, çdo vit iu largohen mesatarisht nga 10 të punësuar profesionistë për arsye emigrimi. Iseni thotë se pagat në këtë komunitet të biznesit janë më të larta se mesatarja, platformë të cilën sugjeron ta ndjekin të gjitha kompanitë në vend për të parandaluar emigrimin.

© ZHURNAL 14.04.2019, 15:51 | T.E. | 7,973 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Tërmet dridhë Maqedoninë e Veriut
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
Jozyrtarisht: Hekuran Duka i BDI-së në epërsi në komunën e Dibrës
LIVE: Ahmeti: Kur ne bojkotuam Ivanovin, vetëm Sela e Reka e kanë votuar për president!
BDI përsëri mposht Aleancën dhe Besën në Dibër
Fërçkoski nuk ka mohuar autenticitetin e zërit të tij dhe të Albert Musliut