Gjoks pule me hudhër e limon
receta
Gjoks pule me hudhër e limon

Gjoks pule me hudhër e limon

Përbërësit

4 Gjoks pule

30 ml vaj ulliri

1 qepë

kripë dhe piper i zi

1 lugë e vogël piper i kuq

250 ml lëng pule

4 thelpinj hudhre

150 ml ajkë për gatim

2 lugë gjelle magdanoz i grirë imët

1 lugë gjelle niseshte

1/2 limon 

3-4 lugë gjelle lëng limoni

Udhëzimet

Hapi 1 

Në një tigan hidheni vajin dhe skuqini gjokset e pulës nga të dyja anët, me zjarr të fortë. Largojini nga zjarri e lërini mënjanë në një pjatë.

Hapi 2 

Skuqeni qepën derisa të bëhet transparente, shtoni hudhrën dhe piperin e kuq.

Hapi 3

Përziejini me shpejtësi me lugë druri e rregullojini me kripë e piper.

Hapi 4

Mishin vendoseni sërish në tigan bashkë me lëngun e limonit dhe lëngun e pulës.

Hapi 5

Lërini në zjarr për 10 minuta me kapak gjysmë të mbyllur dhe më pas hiqeni kapaun, në mënyrë që salca e krijuar të trashet.

Hapi 6 

Shtoni ajkën, magdanozin dhe vendosini nga një fetë limoni mbi secilin gjoks të pulës.

Hapi 7 

Lëreni tiganin edhe për 5 minuta të tjerë në zjarr të ngadalshëm.

Hapi 8 

Nëse dëshironi një salcë të trashë, tretni niseshtenë me pak ujë të ftohtë, shtojeni në tigan dhe pas 2 minutash hiqeni nga zjarri.

Hapi 9 

Shërbejeni me oriz ose sipas dëshirës.

© ZHURNAL 14.03.2019, 15:34 | L.E. | 8,783 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."