PSG nuk i ndahet Kantes, do të provojë edhe në verë transferimin e tij
sport
PSG nuk i ndahet Kantes, do të provojë edhe në verë transferimin e tij

PSG nuk i ndahet Kantes, do të provojë edhe në verë transferimin e tij

Mesfushori i Chelseat, N’Golo Kante vazhdon të mbetet njëri nga objektivat kryesor të klubit francez Paris Saint-Germain.

Ylli i Francës kohëve të fundit nënshkroi një kontratë të re me skuadrën nga Liga Premier duke larguar interesimin e disa skuadrave.

Por, sheikët e PSG-së besojnë se ata ende kanë një shans të sjellin atë në Parc des Princes në afatin e ardhshëm të transferimeve.

Sipas mediumit francez Le10Sport, Paris Saint-Germain do të rifillojë bisedimet e tyre për mesfushorin e Chelseat, Kante, në fund të sezonit.

Raporti i këtij mediumit thekson se mesfushori francez nuk përjashton një largim nga Stamford Bridge gjatë verës.

E gjithë kjo pasi Kante thuhet se nuk ka një marrëdhënie të shkëlqyeshme me trajnerin Maurizio Sarri.

Ndryshe, klubi francez kanë transferuar së fundmi Leandro Paredes nga Zeniti, ndërsa Adrien Rabiot pritet të largohet në verë.

© ZHURNAL 08.02.2019, 11:05 | Xh.I. | 147 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."