Mercedes shpërblen me nga 5 mijë euro punëtorët
auto
Mercedes shpërblen me nga 5 mijë euro punëtorët

Mercedes shpërblen me nga 5 mijë euro punëtorët

Daimler, kompania që ka nën pronësi Mercedesin, njoftoi se 130,000 punëtorë të këtij prodhuesi të veturave në Gjermani do të marrin një bonus vjetor deri në 4,965 euro.

Në vitin 2018, Mercedes shiti 2.310.185 automjete në mbar botën, me një rritje të shitjeve prej 0.9% krahasuar me vitin 2017. Ky është viti i tetë radhazi që ky prodhues gjerman ka shënuar rritje në ofrimin e veturës, transmeton ksp.

Megjithatë, shpërblimet e këtij viti janë pak më të ulëta se ato të paguara nga Daimler në fillim të vitit të kaluar, kur ato ishin deri në 5,700 euro për një punonjës. Arsyeja për këtë duhet të gjendet në fitimin operativ më të vogël, i cili në vitin 2018 arriti në 11.1 miliardë euro, ndërsa një vit më parë ajo ishte 14.3 miliardë euro.

Ndryshe, bonuset vjetore për rezultate të suksesshme të biznesit në vitin 2018 do të paguhen në prill.

© ZHURNAL 07.02.2019, 14:34 | E.D. | 1,232 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."