“Dheu i ofshamës” dokumenton tmerrin e luftës
kulture
“Dheu i ofshamës” dokumenton tmerrin e luftës

“Dheu i ofshamës” dokumenton tmerrin e luftës

Tridhjetë e dy persona të moshave dhe etnive të ndryshme kanë kujtuar përjetimet e tyre, sidomos ato të kohës së luftës së fundit në Kosovë, në librin “Dheu i ofshamës”, që është promovuar të mërkurën mbrëma në Bibliotekën Kombëtare të Kosovës.

Rrëfimet janë shoqëruar me piktura dhe fotografi që dokumentojnë historitë familjare të anëtarëve të dy grupeve me 16 anëtarë, që gjatë viteve 2016-2018 ishin pjesë e trajnimeve të organizatës joqeveritare “Aksioni Kundër Dhunës dhe Ndërtimi i Paqes”(ANP) në kuadër të projektit “Ballafaqimi me të kaluarën në Kosovë”, të mbështetur nga KURVE Wustrow – Qendra për Trajnime dhe Rrjetëzim Kundër në Aksionin e Padhunshëm – të përkrahur nga Ministria Federale për Zhvillim dhe Bashkëpunim Ekonomik e Gjermanisë.

Në “Dheu i ofshamës”, njerëz nga pjesë të ndryshme të Kosovës tregojnë rrëfimet e tyre në kohë të vështira, për mbijetesën dhe për kujtimet që nuk iu ndahen edhe pothuajse dy dekada pas përfundimit të luftës.

“Na flasin për veten e tyre, familjet, miqtë, të njohurit dhe të gjithë të tjerët që takuan në këtë rrugëtim për të mos u parë më kurrë me ta. Përshkruajnë ngjarje historike në kohëra të ndryshme kohore, e në mënyrën të veçantë na sjellin në kujtesë vitet 1998-99, kohën e luftës së fundit në Kosovë”, thuhet në anën e pasme të kopertinës së librit./Koha.net

© ZHURNAL 07.02.2019, 10:22 | E.D. | 2,909 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Tërmet dridhë Maqedoninë e Veriut
Rexhepi-Zejd: Opozita shqiptare ka bërë dy mashtrime politike në zgjedhjet presidenciale
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
BDI përsëri mposht Aleancën dhe Besën në Dibër
Editorial 79.915 vota, dështim apo sukses për Blerim Rekën, ASH-në e Lëvizjen Besa ?!
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
Spasovski: Humbën një kolegë të ndershëm