BRIMA: Qytetarët e Maqedonisë së Veriut, optimistë për politikat ndërkombëtare
maqedonia
BRIMA: Qytetarët e Maqedonisë së Veriut, optimistë për politikat ndërkombëtare

BRIMA: Qytetarët e Maqedonisë së Veriut, optimistë për politikat ndërkombëtare

Shkup, 19 shkurt - Qytetarët e Maqedonisë së Veriut janë më optimistë për dallim nga qytetarët e tjerë në botë lidhur me politikat ndërkombëtare që i zhvillojnë katër superfuqitë e mëdha – SHBA-ja, Rusia, Kina dhe Bashkimi Evropian, tregon investigimi që është bërë në periudhën prej 22 nëntorit deri më 6 dhjetor, që vjet e ka zbatuar agjencia “Brima” si anëtare e “Gallup International“.

Të anketuarit në Republikën e Maqedonisë së Veriut konsiderojnë se politikat e jashtme të SHBA-së, Rusisë dhe Kinës janë kërcënuese dhe e destabilizojnë botën, ndërsa trend pozitiv kanë për BE-në, respektivisht 62 për qind e gjithsej 1.212 të anketuarve konsiderojnë se politikat e jashtme të BE-së e stabilizojnë botën.

Në nivel botëror, prej gjithsej 52.494 qytetarë të anketuar, 65 për qind kanë mendim negativ për rolin e SHBA-së, ndërsa 52 për qind për Rusinë. Vetëm një prej katër personave besojnë se politikat e jashtme të këtyre dy fuqive botërore kanë ndikim stabilizues ndaj botës.

Anketimin në shkallë botërore e ka bërë “Gallup international” në partneritet me WIN. Është përfshirë rreth dy e treta e popullsisë globale në 50 shtete./Zhurnal.mk

© ZHURNAL 19.02.2019, 10:08 | Z.H. | 1,265 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."