Formohet ekipi ndërministror për zbatimin e ligjit për përdorimin e gjuhëve
maqedonia
Formohet ekipi ndërministror për zbatimin e ligjit për përdorimin e gjuhëve

Formohet ekipi ndërministror për zbatimin e ligjit për përdorimin e gjuhëve

Shkup, 12 shkurt - Qeveria ka miratuar sot formimin e grupit të punës ndërministror për zbatimin e Ligjit për gjuhët. Sipas njoftimit të qeverisë, ky ekip do të përkujdeset dhe ka kompetenca për përgatitjen e planit aksional për zbatimin e ligjit në një afat prej 15 ditëve nga hyrja në fuqi e vendimit qeveritar.

Po ashtu ndër detyrimet do të jetë edhe ndjekja e dinamikës për realizimin dhe implementimin e planit aksional, ndjekjen e institucioneve dhe rekomandimet për të zbatuar ligjin, si dhe masa të tjera. Pjesë e këtij ekipi janë: sekretari i përgjithshëm i Qeverisë, zëvendës-sekretari, sekretari shtetëror i Ministrisë së Drejtësisë, sekretari shtetëror i Ministrisë së Financave, sekretari shtetëror nga sekretariati i Marrëveshjes së Ohrit, sekretari i sekretariatit për drejtësinë, përfaqësues i kabinetit të kryeministrit dhe përfaqësues i Kuvendit.

© ZHURNAL 12.02.2019, 19:17 | T.E. | 2,111 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."