Barcelona nuk është e shqetësuar për ringjalljen e Real Madridit
sport
Barcelona nuk është e shqetësuar për ringjalljen e Real Madridit

Barcelona nuk është e shqetësuar për ringjalljen e Real Madridit

Real Madridi i ka fituar pesë ndeshje të La Ligës radhazi dhe tani e gjen veten në pozitën e dytë në tabelën e ligës spanjolle. Edhe pse gara për titull tani është bërë më interesante, forma e mirë e madrilenëve na ka shkaktuar panik në Barcelonë.

Lojtarët dhe stafi në zhveshtoren e “Blaugranëve” gjithmonë e kanë konsideruar Real Madridin të rrezikshëm dhe gjithmonë kanë menduar se “Los Blancos” mund të kthehen në garën për titull, shkruan Marca, transmeton Gazeta Express.

Në Camp Nou, ata janë thjesht të kënaqur që e kanë pasur një epërsi kaq të madhe deri më tani këtë sezon, pasi që gjashtë pikë i ndajnë liderët nga “Los Blancos”.

Edhe pse Barcelona ka humbur pikë në dy ndeshjet e fundit dhe edhe pse ata do të përballen me kundërshtarë më të vështirë në xhirot e ardhshme, Barcelona ka besim se do ta fitojë titullin përsëri, pasi që asnjëherë nuk e ka humbur titullin kur ka pasur diferencë kaq të madhe.

Jo vetëm që ata janë gjashtë pikë përpara madrilenëve, mirëpo ata mund të sigurojnë fitore edhe në Kupën e Mbretit, nëse arrijnë ta mposhtin Real Madridin në ndeshjen kthyese.

Të gjithë në Barcelonë janë të bindur se ata vetëm duhet të vazhdojnë kështu edhe për muajt e fundit të këtij sezoni dhe besojnë se do ta fitojnë titullin, pasi që ndihen më pak të lodhur në krahasim me sezonet e kaluara.

Real Madridi mund të jetë në formë të mirë, mirëpo Barcelona është e lumtur që ende e kryeson tabelën e La Ligës.

© ZHURNAL 12.02.2019, 14:58 | Xh.I. | 1,511 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Tërmet dridhë Maqedoninë e Veriut
Rexhepi-Zejd: Opozita shqiptare ka bërë dy mashtrime politike në zgjedhjet presidenciale
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
Editorial 79.915 vota, dështim apo sukses për Blerim Rekën, ASH-në e Lëvizjen Besa ?!
BDI përsëri mposht Aleancën dhe Besën në Dibër
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
Spasovski: Humbën një kolegë të ndershëm