Pompeo nis vizitën në Evropën Qendrore
bota
Pompeo nis vizitën në Evropën Qendrore

Pompeo nis vizitën në Evropën Qendrore

Sekretari amerikan i Shtetit, Mike Pompeo ka nisur vizitën e tij në pesë shtete evropiane, në disa prej të cilave, zyrtarët amerikanë besojnë se është duke u rritur ndikimi i Rusisë dhe Kinës.

Pompeo është planifikuar të arrijë në Hungari më 11 janar, për të vazhduar më pas vizitën në Sllovaki dhe Poloni.

Ai pritet të kompletojë udhëtimin e tij me disa vizita në Bruksel dhe Rekjavik të Islandës, më 15 janar.

Një zyrtar i lartë i administratës ka thënë se Pompeo do të takohet me kryeministrin hungarez, Victor Orban, i cili njihet si përkrahës i presidentit amerikan, Donald Trump.

Zyrtarët kanë thënë se bisedimet do të fokusohen “në përpjekjet që po bëhen për të rritur bashkëpunimin në siguri, në luftimin e agresionit rus si dhe mbështetjen për Ukrainën”.

Përveç tjerash, të dy zyrtarët pritet të diskutojnë dhe rolin e Hungarisë në Afganistan si dhe në luftimin e grupit militant, Shteti Islamik (IS) në Lindje të Mesme.

Po i njëjti zyrtar ka thënë se Pompeo “do të tregojë mbështetje për pjesëtarët e shoqërisë civile” në Hungari, kur të takohet me liderët e organizatave joqeveritare.

Në të kaluarën, Hungaria është klasifikuar nga organizata Freedom House si shtet “i lirë” në aspektin politik, mirëpo në raportin e vitit 2019, ai është renditur në mesin e shteteve “pjesërisht të lira” për shkak të sulmeve të partisë së Orbanit ndaj mediave, gjykatave, grupeve fetare, akademisë, organizatave ndërkombëtare dhe sektorit privat.

Në Poloni, Pompeo do të jetë pjesë e një konference për Lindje të Mesme, e cila pritet të fokusohet te çështjet rreth Iranit.

© ZHURNAL 11.02.2019, 09:26 | Xh.I. | 462 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Tërmet dridhë Maqedoninë e Veriut
Rexhepi-Zejd: Opozita shqiptare ka bërë dy mashtrime politike në zgjedhjet presidenciale
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
BDI përsëri mposht Aleancën dhe Besën në Dibër
Editorial 79.915 vota, dështim apo sukses për Blerim Rekën, ASH-në e Lëvizjen Besa ?!
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
Spasovski: Humbën një kolegë të ndershëm