May refuzon planin e liderit të opozitës për dogana të përbashkëta me BE-në
bota
May refuzon planin e liderit të opozitës për dogana të përbashkëta me BE-në

May refuzon planin e liderit të opozitës për dogana të përbashkëta me BE-në

Njëri nga ministrat e kabinetit qeveritar të Britanisë së Madhe ka njoftuar se kryeministrja e vendit, Theresa May, e ka refuzuar planin e paraqitur nga kryetari i Partisë Laburiste, Jeremy Corbyn, lidhur me doganat e përbashkëta me Bashkimin Evropian, por se partitë janë pajtuar për shumë çështje tjera.

“Ajo që është duke ndodhur këtu nuk është ndërrimi i vijave të kuqe”, tha ministri i burgjeve, Rory Stewart. Kryeministrja britanike i është përgjigjur dje letrës së Corbynit për kushtet e laburistëve për ta mbështetur marrëveshjen për tërheqje nga BE-ja. Njëra nga këto kushte është anëtarësimi i përhershëm në unionin e doganave.

Ndonëse May e ka bërë të qartë se nuk e dëshiron një gjë të tillë, disa gazeta britanike kanë shkruar sot se ajo e ka lënë të hapur mundësinë për diskutime rreth kësaj çështjeje, duke shtuar gjasat për një dalje nga BE-ja me kushte më të lehtësuara.

Në përgjigjen e kthyer për liderin e opozitës, May i ka bërë disa lëshime për të drejtat e punëtorëve dhe çështjen e mjedisit, duke e kundërshtuar përshtatjen e plotë me standardet e Bashkimit Evropian, por ka sugjeruar që çdo ndryshim të votohen në Dhomën e Ulët, shkruan “The Guardian”, transmeton Gazeta Express.

© ZHURNAL 11.02.2019, 11:23 | Xh.I. | 1,340 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Tërmet dridhë Maqedoninë e Veriut
Rexhepi-Zejd: Opozita shqiptare ka bërë dy mashtrime politike në zgjedhjet presidenciale
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
BDI përsëri mposht Aleancën dhe Besën në Dibër
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
Editorial 79.915 vota, dështim apo sukses për Blerim Rekën, ASH-në e Lëvizjen Besa ?!
Spasovski: Humbën një kolegë të ndershëm