Moti i keq, MM: Emergjencat në gatishmëri
shqiperia
Moti i keq, MM: Emergjencat në gatishmëri

Moti i keq, MM: Emergjencat në gatishmëri

Tiranë, 9 janar - Ministria e Mbrojtjes në njoftim për mediat ka bërë me dije se janë kontaktuar të gjithë prefektuarat për organizimin e shtabeve të emergjencave për përballimin e situatës/

“Janë kontaktuar të gjithë prefektuarat dhe rezulton se janë organizuar dhe funksionojnë shtabet e emergjencave”, thuhet në njoftimin e Ministrisë së Mbrojtjes.

Më tej raportohet se prefekturat me problematike me prezence të shtuar dëbore dhe vështirësi në rrugë janë, Korça, Gjirokastra, Shkodra/ Bashkia Pukë, Dibra dhe Kukësi.

“Në akset kryesore nacionale nuk ka bllokim rrugësh, ndonëse disa janë të detyrueshme të lëvizin me zinxhirë”, thuhet në njoftimin e Ministrisë së Mbrojtjes, e cila shton se është në kontakt të vazhdueshëm me Autoritetin Rrugor, Policinë e Shtetit dhe prefekturat dhe te gjitha institucionet.

Bëhet e ditur se Drejtori i Përgjithshëm i Emergjencave Civile është nisur drejt Qafë-Thanës për të inspektuar punën që po behet atje.

Top Channel

© ZHURNAL 09.01.2019, 11:11 | Xh.I. | 525 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."