Shaqiri i dëshpëruar nga eliminimi në FA Cup, tani kërkon përqendrim në Ligën Premier
sport
Shaqiri i dëshpëruar nga eliminimi në FA Cup, tani kërkon përqendrim në Ligën Premier

Shaqiri i dëshpëruar nga eliminimi në FA Cup, tani kërkon përqendrim në Ligën Premier

Anësori i Liverpoolit, Xherdan Shaqiri, është i dëshpëruar pas humbjes 2-1 ndaj Wolverhampton Wanderers pasi kështu Reds u eliminuan nga FA Cup.

Shqiptari i siguron tifozët se tentuan deri në fund, por tani kjo është një kapitull i mbyllur dhe që duhet të fokusohen në Ligën Premier.

“Natyrisht që jemi të dëshpëruar pasi kemi humbur, por mendoj se nuk e kemi merituar këtë rezultat”, ka thënë Shaqiri për Liverpoolfc.com.

“Tentuam të rikthehemi. Tentuam gjithçka deri në fund dhe ju nuk mund të thoni se nuk provuam deri në minutën e fundit. Kemi provuar gjithçka”.

“Në disa raste të duhet fat dhe gjuajta e lirë ishte shumë e pafat”.

“Kishim shumë lojtarë të rinj dhe të tjerë që nuk kanë luajtur për një kohë të gjatë. Ne dëshiruam të fitojmë këtë ndeshje dhe të vazhdojmë tutje në raundin tjetër, por FA Cup është e tillë: Humbet ndeshjen dhe je jashtë”.

“Tani e mbyllim këtë ndeshje dhe shikojmë Ligën Premier”, ka shtuar Shaqiri.

© ZHURNAL 08.01.2019, 15:32 | Xh.I. | 605 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."