Viti 2019 në shenjë të 100-vjetorit të ndarjes nga jeta e Ismail Qemailit
kulture
Viti 2019 në shenjë të 100-vjetorit të ndarjes nga jeta e Ismail Qemailit

Viti 2019 në shenjë të 100-vjetorit të ndarjes nga jeta e Ismail Qemailit

Përderisa në vitin që lamë pas si në Kosovë po ashtu edhe në Shqipëri pati përplot aktivitete kulturore që ju kushtuan heroit kombëtar Gjergj Kastrioti Skënderbeut, këtë vit vëmendje më e madhe do të jetë për 100 vjetorin e ndarjes nga jeta të Ismail Qemailit.

Drejtori i Muzeut Historik të Shqipërisë Dorian Koçi duke treguar se deri më tani nuk kanë diçka konkrete rreth restaurimit të muzeut kombëtar, tregon edhe se ky vit prioritet do të ketë Qemailin dhe Konferencën e Paqes.

Aktivitetet, ekspozita, e revista muzeale do t’i kushtohen Ismail Qemailit.

Muzeu Historik Kombëtar i Shqipërisë gjatë vitit 2018, përveç shtimit të aktiviteteve, ka parë edhe shtim të vizitorëve të interesuar për këtë institucion kulturor. Rreth 61 mijë vizitorë ka pasur ky muze në vitin që sapo lamë pas.

 

© ZHURNAL 08.01.2019, 11:32 | E.D. | 524 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."