Filmi “Rreze” fitues në World Film Festival
kulture
Filmi “Rreze” fitues në World Film Festival

Filmi “Rreze” fitues në World Film Festival

Filmi ‘Rreze’ (Ray) i realizuar sipas një flete të ditarit të famshëm të Rreze Abdullahut e me regji te Lorena Sopit, është fitues në World Film Festival, i cili është mbajtur nga data 01-30 dhjetor në New South Wales  të Australisë.

Në kategorinë e filmit të shkurtër, kanë qenë të nominuar katër filma: Healers – Francë,  Rreze- Kosovë, Yet Another Breakup – Belgjikë, Arrested Prisoner – Brazil. Filmi ‘Rreze’ nga Kosova, ka fituar çmimin kryesor në  këtë kategori – Best Short Drama.

Filmi ‘Rreze’ i cili pati premierën ne Cannes Film Festival – Short Corner, ne muajin maj te ketij viti, deri tani ka qene pjesë e  pesëmbëdhjetë festivaleve ndërkombëtare dhe ka fituar pesë çmime. Filmi më i mirë evropian – në Europa Film Festival në Barcelonë,  Filmi më i mirë i luftës në Festivalin Movie Pro Screen në Los Angeles të SHBA-ve, Award of Merit në Festivalin Best Shorts Competition – La Jolla, të SHBA-ve, Merit Award në Canada Short Film Festival  në Vancouver të Kanadasë, si dhe  Best Drama Short në World Film Festival. Filmi Rreze’ është prodhim i kompanisë AS Film Production nga Prishtina. Në rolet kryesore: Agron Shala, Glorioza Shala, Aurita Agushi, Beslidhje Bytyqi, Selman Lokaj, etj. Drejtor fotografie: Besnik Hasolli. Zëri: Gëzim Rama. Skenograf: Uran Duli, Kompozitor: Mendi Mengjiqi. Regjisore: Lorena Sopi. (KultPlus.com)

© ZHURNAL 05.01.2019, 10:38 | E.D. | 634 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."