Kthim rekord azilkërkuesish në shtetet e tjera të BE
bota
Kthim rekord azilkërkuesish në shtetet e tjera të BE

Kthim rekord azilkërkuesish në shtetet e tjera të BE

Autoritetet gjermane kanë kthyer në vitin 2018 më shumë refugjatë sa kurrë më parë në shtetet e tjera të BE. Vendi kryesor i kthimit është Italia. Me Greqinë nga ana tjetër ka pasur probleme. Nga janari deri në nëntor 2018 kanë qenë gjithsej 8658 azilkërkues me detyrim për t’u larguar nga Gjermania, që janë kthyer pas, shkruan “Süddeutsche Zeitung” në botimin e saj të së hënës. Në vitin 2017 ka pasur vetëm 7102 përcjellje azilkërkuesish.

Gazeta i referohet për informacionin e saj përgjigjjes së Ministrisë Federale të Punëve të Brendshme ndaj një pyetjeje të deputetes së partisë E Majta në Bundestag, Ulla Jelpke. Kuota e refugjatëve të kthyer, në fakt, u rrit nga 15 përqind në 2017-ën, në 24,5 përqind në 2018-ën.

Sipas të dhënave të Ministrisë, vitin e kaluar një në tre procedura azilimi të Zyrës Federale për Migrimin dhe Refugjatët (Bamf) ishte një nga të ashtuquajturat raste të Dublinit. Në një rast të tillë duhet të sqarohej, nëse është kompetent për kërkesën e azilit të aplikuesit një shtet tjetër i BE. Sipas direktivës Dublin III të BE, si rregull për kërkesën e azilit të një refugjati është kompetent shteti anëtar, në të cilin refugjati regjistrohet pas mbërritjes së tij në Evropë.

Sipas Süddeutsche Zeitung, Gjermania bëri në 11 muajt e parë të 2018-ës 51,558 kërkesa në vendet anëtare të Marrëveshjes Dublin III. Prej tyre u pranuan 35,375. Vendi kryesor për kthimet në territorin evropian, sipas raportit ishte Italia: aty u kthyen gati një në tre azilkërkues. Kthime në Hungari nuk pati asnjë dhe në Greqi u kthyen vetëm pesë vetë. Të dyja këto vende kritikohen për mënyrën si i trajtojnë refugjatët. Qeveria gjermane ankohet më tej se autoritetet e Athinës kanë refuzuar shumicën e kërkesave për kthim pas – “kryesisht për shkaqe që nuk qëndrojnë”.

Ministri gjerman i Brendshëm, Horst Seehofer është përpjekur që ta rrisë numrin e deportimeve të azilkërkuesve të refuzuar, në kuadër të një politike që synon uljen e numrit të refugjatëve dhe përmirësimin e aftësisë së Zyrës Federale të Migrimit për të trajtuar si duhet kërkesat e azilit.

/Shkrimi u publikua nga DW/

© ZHURNAL 22.01.2019, 14:12 | Xh.I. | 2,694 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
ZHURNAL MËSON Gjykatësja e vendimit për BFI-në përfundon në spital!
LAJMI I FUNDIT Policia largon me dhunë kryetarin e vetshpallur nga BFI-ja
Milloshoski: Funksionar i lartë në Kuvend kërkon ndryshime në BFI, Grubi: Kryetarin e BFI-së nuk e vendos gjykata!
Kujt ia drejtoi Shekerinska "ofendimin" ? "Paramendoni me kë u deshtë të ulemi të bisedojmë, ndërsa nuk dëshironim as t’i shihnim"!
Zekiri: Puna shkon për dreq kur Grubi flet për drejtësi; Grubi: Me fjalet tua po ia minuson votat Pendarovskit, më mirë rri heshtë
Rexhepi-Zejd: Opozita shqiptare ka bërë dy mashtrime politike në zgjedhjet presidenciale
Zhurnal mëson Në "spastrimin" e Zaevit do të përfshihen edhe Ministra të BDI-së
Ekskluzive Dokumenti në të cilin thirren puçistët është “i falsifikuar”, BFI akuzon Muhamed Zeqirin për skenar
Zhurnal mëson Puçistët sërish në mënyrë joligjore futen në objektin e BFI-së?!