Edith Harxhi: Gent Cakaj duhej shkarkuar nga detyra!
shqiperia
Edith Harxhi: Gent Cakaj duhej shkarkuar nga detyra!

Edith Harxhi: Gent Cakaj duhej shkarkuar nga detyra!

Gent Cakaj duhet të shkarkohej nga detyra përpara se Kryeministri Edi Rama ta propozonte për drejtimin e politikës së jashtme shqiptare. Ish-zëvendës ministrja e këtij dikasteri, Edith Harxhi, i konsideron gafa diplomatike deklaratat publike të Cakajt për de-limitimin e ujërave mes Shqipërisë dhe Greqisë.

Për kapërcimin e situatës, krizës mes Presidencës dhe Kryeministrisë, Edith Harxhi thotë se Rama duhet të propozojë një emër të ri.

Diplomatja Harxhi e konsideron vendimmarrjen e Presidentit të Republikës për mos dekretimin e emrit të Cakaj-t si veprim i duhur në mbrojtje të Kushtetutës.

Protestën e studentëve e konsideron momentin më kulminant të viteve të fundit që përkon edhe me mungesën e një opozite të fortë. Sipas Harxhit zërat që e shikojnë protestën të zbehur gabojnë, pasi forca e saj ka një tjetër dimension.

© ZHURNAL 12.01.2019, 16:40 | T.E. | 752 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."