Thaçi: Janari, muaj i heroizmit dhe lavdisë për Kosovën
kosova
Thaçi: Janari, muaj i heroizmit dhe lavdisë për Kosovën

Thaçi: Janari, muaj i heroizmit dhe lavdisë për Kosovën

Prishtinë, 11 janar - Presidenti i Kosovës, Hashim Thaçi e ka cilësuar muajin janar, si të heroizmit dhe lavdisë për Kosovën.

Thaçi në një postim në rrjetin social Facebook ka përmendur rënien e vëllezërve Gërvalla dhe Kadri Zekës në vitin 1982.

“Në historinë e re të Kosovës, janari hyri si muaj i heroizmit dhe lavdisë, në saje të sakrificës së vëllezërve Gërvalla dhe Kadri Zekës, më 17 janar 1982”, ka shkruar fillimisht Thaçi.

Presidenti gjithashtu foli edhe për rënien e Rexhep Malës dhe Nuhi Berishës.

Ata vlerësoi se ishin motiv shtesë, për brezat e tjerë për çlirimin e Kosovës.

“Ndërkaq, sot e 35 vjet më parë, në një qëndresë heroike përballë aparatit policor serb e jugosllav, ranë trimërisht dy veprimtarë të shquar të lëvizjes kombëtare: Rexhep Mala dhe Nuhi Berisha. Rënia e tyre u bë motiv shtesë për brezat që kishin ideal çlirimin e Kosovës. Lavdi heronjve të Janarit”, ka shkruar Thaçi.

© ZHURNAL 11.01.2019, 11:21 | Xh.I. | 347 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."