Juventusi refuzon ofertat për Moise Kean
sport
Juventusi refuzon ofertat për Moise Kean

Juventusi refuzon ofertat për Moise Kean

Moise Kean duket se nuk do të largohet nga kampioni aktual i Italisë, Juventus.

Sulmuesi i talentuar italian nuk ka pasur hapësira këtë edicion nën urdhrat e trajnerit Maximiliano Allegri.

Kean është paraqitur vetëm në dy ndeshje nga banka rezervë dhe kjo situatë nuk është duke i pëlqyer atij.

Bologna, Spal dhe Chievo kanë kërkuar huazimin gjashtë mujor të lojtarit por që këto oferta janë refuzuar nga Juventusi.

18-vjeçari që menaxhohet nga Mino Raiola nuk ka pranuar ende vazhdimin e kontratës pasi nuk po i garantohen minuta.

Zonja e Vjetër është duke kërkuar një skuadër që ofron mbi 20 milionë euro për talentin e tyre.

Oylpique Marseille, Leeds United dhe Roma mbetën të interesuara për lojtarin por që ende nuk kanë dërguar ofertat e tyre.

Gjithsesi nëse nuk do të vije një ofertë në janar, Juventus do ta presë verën për ta shitur talentin italian.

© ZHURNAL 11.01.2019, 11:10 | Xh.I. | 1,469 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."