Greva anulon qindra fluturime në Gjermani
bota
Greva anulon qindra fluturime në Gjermani

Greva anulon qindra fluturime në Gjermani

Aeroportet gjermane i anuluan mbi 600 fluturime, për shkak të grevës së stafit të sigurisë.

Greva përfshiu aeroportet në perëndim të vendit: Dyzeldorf, Këln dhe Shtutgart.

Në Dyzeldorf – aeroportin e tretë më të madh të Gjermanisë – rreth 60,000 pasagjerë janë prekur, pasi dy të tretat e fluturimeve janë anuluar, raportoi Televizioni ARD.

Sindikata e punëtorëve Verdi kërkon rritjen e pagesës në 20 euro për orë për stafin e sigurisë, nga 17 euro sa është tani.

ARD tha se shumë udhëtarë kanë pasur kohë të sigurojnë bileta alternative të udhëtimit, pasi greva ka qenë e paralajmëruar.

Sipas burimit të njëjtë, stafi i sigurisë është shumë i zemëruar me kushtet e punës.

© ZHURNAL 10.01.2019, 13:16 | Xh.I. | 1,377 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."