ZHURNAL.MK ZHURNAL.KS ZHURNAL.AL

 

Lajme nga Maqedonia
Zaev: Politikat e miqësisë japin rezultate

Manastir, 24 shtator - Politikat e ndërtimit të miqësisisë japin rezultate. Me Republikën e Bullgarisë vetëm për një vit kemi 12 për qind tregti më të madhe, besoj se ashtu do të jetë edhe me Republikën e Greqisë, ka thënë kryeministri i Republikës së Maqedonisë Zoran Zaev në takimin me biznesmenët nga Manastiri.

"Marrëveshja me Republikën e Greqisë shumë pak është eksploatuar në pjesën që hap gjitha perspektivat e bashkëpunimit. Në periudhën e verifikimit të plotë të marrëveshjes nga dy anët dhe ratifikim të marrëveshjes në Parlamentin grek, presim dyfishim të këmbimit tregtar mes dy vendeve. Qytetarëve të Manastirit dhe këtij regjioni u rekomandoj të fokusohen dhe të përgatiten për të pushtuar tregun grek pasi bëhet fjalë për treg të mirë dhe cilësor. Jam i bindur se si shtet do të përdorim gjitha përfitimet e marrëveshjes me Greqinë që është i drejtë dhe zgjidhje fer me impakt politik. Ai duhet të mundësojë miqësi, bashkëpunim dhe hapje të dyerve tona drejt BE-së dhe NATO-s", ka thënë kryeministri Zaev.

Në takimin e hapur që u mbajt në oborrin e fabrikës "Kromberg dhe Shubert" e locuar në zonën industriale "Zhabeni", kryeministri ka rikujtuar se ekonomia e Maqedonisë ka shanse të mëdha për zhvillim të shpejtë dhe pranim në NATO.

"Si shtete anëtare e NATO-s do të kemi mundësi të participojmë në furnizimet publike në NATO, ndërsa ato janë milarda euro të cilat do të mund t'i përdor shteti jonë. Presim që anëtarësimi i plotëfuqishëm në NATO të jetë në gjysmën e parë të vitit 2019 dhe kjo është shumë afër. Jam i bindur se ekonomia e Maqedonisë këtë do e shfrytëzoj, por edhe investitorët e huaj do të motivohen të investojnë në Maqedoni", ka thënë kryeministri Zaev.

Në pjesëmarrjen në tribunën "Perspektivat e ekonomnisë së Maqedonisë përmes anëtarësimit në BE dhe NATO", të organizuar nga Oda ekonomike e Maqedonisë, Zaev ka folur në më shumë tema ekonomike, arsimore me fokus në përkrahjen e paralajmëruar nga Republika Federale e Gjermanisë në pjesën e arsimit dual që siç u tha, "ofron mundësi për kualifikim të shpejtë të fuqisë së punës".

"Duam të mobiliozjmë forcë të punës për nevojat e vërteta të tregut dhe punës. Disa nga risitë që do të ndodhin në Maqedoni dhe Gjermani përmes Komitetit të përbashkët kanë qëllim të përbashkët të ndihmojnë për kompanitë gjermane dhe vendore. Në shtetin tonë do të përdoret përvoja gjermane nga arsimi dual, pasi Gjermania, krahas Austrisë dhe Zvicrës janë shembull i shkëlqyeshëm për kualifikim efikas të forcës punëtore sipas nevojave të tregut dhe punës", ka sqaruar Zaev.

Ndryshe, kryeministri Zaev dhe zëvendëskryeministri Koço Angjushev kanë porositur biznesmenët e rajonit të Pellagonisë të përgatiten për shfrytëzimin e fondeve të BE-së pasi me anëtarësimin në BE dhe NATO mundësitë do të rriten edhe më shumë.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 24.9.2018, 15:30  | D.J. | 1,013 i lexuar

 

 

 

Konfirmohet mbështetja nga Mbretëria e Bashkuar për Marrëveshjen e Prespës

Shkup, 22 tetor - Ambasadorja britanike Rejçel Gallouej në takimin e sotëm me kryeministrin Zoran Zaev, e përshëndeti vendimin e Kuvendit të Maqedonisë në mbështetje të Marrëveshjes së Prespës, duke e vlerësuar si një hap të rëndësishëm përpara në integrimet euroatlantike të Republikës së Maqedonisë.

Siç kumtoi pres qendra qeveritare, të dy gjatë takimit kanë konstatuar se shumica prej dy të tretave në Kuvend për Propozimin për ndryshimet kushtetuese dëshmoi se është e mundur që deputetët e pozitës dhe të opozitës të punojnë së bashku kur bëhet fjalë për çështje kyçe për qytetarët dhe për shtetin, siç janë integrimet dhe reformat. Bashkëbiseduesit kanë shprehur mbështetje për të përforcuar konsensusin në Kuvend për çështje me interes shtetëror.

“Do të vazhdojmë në një atmosferë pozitive, nëpërmjet konstruktivitetit dhe përfshirjes, me deputetët në Kuvend, të punojmë në projekt amendamentet kushtetuese. Vërejtjet e deputetëve të opozitës të cilët dhanë mbështetje në procesin e integrimit euroatlantik të Maqedonisë, në lidhje me përmbajtjen e amendamenteve, janë në frymën e Marrëveshjes së Prespës”, tha kryeministri Zaev, qëndron në kumtesë.

Kryetari i Qeverisë, Zoran Zaev, shtohet, në lidhje me reformat ka njoftuar se fokusi është në fazën e dytë të reformave gjyqësore, ligjet kundër korrupsionit, reformat në DZK, në administratën publike.

Ambasadorja Gallouej njoftoi se Mbretëria e Bashkuar në mënyrë aktive e ndjek situatën politike në Maqedoni dhe se jep mbështetje parimore për pajtim, që është e rëndësishme për integrimin e Maqedonisë, dhe me atë edhe për stabilitetin e gjithë rajonit, qëndron në kumtesë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.10.2018, 16:19  | D.J. | 2.829 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.