ZHURNAL.MK ZHURNAL.KS ZHURNAL.AL

 

Lajme nga Maqedonia
Zaev: Jam i bindur se më 30 shtator do ta konfirmojmë të ardhmen evropiane

Bogdanc, 22 shtator - E gjithë bota na jep mbështetjen maksimale dhe tani është momenti për të vendosur nëse jemi pjesë e botës apo jo. Marrëveshja me Greqinë garanton identitetin tonë, gjuhën tonë, kombësinë tonë dhe për këtë kemi bërë një kompromis, tha kryeministri dhe lideri i LSDM Zoran Zaev në debatin publik në Bogdanc, i cili u mbajt në kuadër të fushatës "Dil për Maqedoninë Evropiane".

Duke folur për përfitimet e Marrëveshjes me Greqinë, kryeministri Zaev theksoi se fakt është se nga Maqedonia historike ne jemi pjesa veriore dhe se Greqia e njohu popullin maqedonas dhe gjuhën maqedonase dhe se po realizojmë aspiratat e përjetshme të paraardhësve tanë.

"Nga kjo marrëveshje, askush nuk humb, por fitojnë të dyja palët. Verifikimi i identitetit dhe gjuhës tonë është i garantuar prej kësaj marrëveshjeje dhe pikërisht kjo më lejoi të isha kryeministri i parë i Maqedonisë, i cili foli në Bruksel në maqedonisht", tha Zaev.

BE dhe NATO, tha Zaev, do të na sjellin paga më të larta, punësim më të madh, siguri, investim, shëndetësi më të mirë, një standard më të mirë dhe një jetë më të mirë për të gjithë ne.

Kryeministri vuri në dukje se me NATO-n më në fund kemi një paqe të përjetshme dhe të qëndrueshme dhe nuk do të ketë kurrë më luftë, prandaj ne nuk duhet ta humbasim këtë shans. Sipas tij, ky është një vendim për Maqedoninë dhe ky popull gjithmonë ka marrë vendimet e duhura. 

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.9.2018, 21:47  | D.J. | 1,659 i lexuar

 

 

 

Konfirmohet mbështetja nga Mbretëria e Bashkuar për Marrëveshjen e Prespës

Shkup, 22 tetor - Ambasadorja britanike Rejçel Gallouej në takimin e sotëm me kryeministrin Zoran Zaev, e përshëndeti vendimin e Kuvendit të Maqedonisë në mbështetje të Marrëveshjes së Prespës, duke e vlerësuar si një hap të rëndësishëm përpara në integrimet euroatlantike të Republikës së Maqedonisë.

Siç kumtoi pres qendra qeveritare, të dy gjatë takimit kanë konstatuar se shumica prej dy të tretave në Kuvend për Propozimin për ndryshimet kushtetuese dëshmoi se është e mundur që deputetët e pozitës dhe të opozitës të punojnë së bashku kur bëhet fjalë për çështje kyçe për qytetarët dhe për shtetin, siç janë integrimet dhe reformat. Bashkëbiseduesit kanë shprehur mbështetje për të përforcuar konsensusin në Kuvend për çështje me interes shtetëror.

“Do të vazhdojmë në një atmosferë pozitive, nëpërmjet konstruktivitetit dhe përfshirjes, me deputetët në Kuvend, të punojmë në projekt amendamentet kushtetuese. Vërejtjet e deputetëve të opozitës të cilët dhanë mbështetje në procesin e integrimit euroatlantik të Maqedonisë, në lidhje me përmbajtjen e amendamenteve, janë në frymën e Marrëveshjes së Prespës”, tha kryeministri Zaev, qëndron në kumtesë.

Kryetari i Qeverisë, Zoran Zaev, shtohet, në lidhje me reformat ka njoftuar se fokusi është në fazën e dytë të reformave gjyqësore, ligjet kundër korrupsionit, reformat në DZK, në administratën publike.

Ambasadorja Gallouej njoftoi se Mbretëria e Bashkuar në mënyrë aktive e ndjek situatën politike në Maqedoni dhe se jep mbështetje parimore për pajtim, që është e rëndësishme për integrimin e Maqedonisë, dhe me atë edhe për stabilitetin e gjithë rajonit, qëndron në kumtesë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.10.2018, 16:19  | D.J. | 3.043 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.