ZHURNAL.MK ZHURNAL.KS ZHURNAL.AL

 

Lajme nga Maqedonia
Maqedonia heton ndikimin rus ndaj referendumit

Shkup, 22 shtator - Rusia ka ndikim ndaj referendumit, dhe për këtë ekziston një hetim aktual. Kjo u njoftua nga kreu i DSK-së Goran Nikolovski në një intervistë televizive, por pa zbuluar më shumë detaje rreth mënyrës në të cilën organizohet veprimi kundër suksesit të referendumit të ardhshëm.

“Ne shohim një performancë të organizuar në rrjetet sociale. Një qasje e organizuar që shkon në drejtim të reduktimit të pjesëmarrjes në referendum, një dështim i referendumit, diçka që do të përfshinte më tej një sërë ngjarjesh të tjera. Para së gjithash, lajme të rreme dhe të pavërteta. Këto janë lajme propagandë, por edhe ama të rreme. Po, para së gjithash lajme të rreme ose do të thosha gjysmë të vërteta”, u shpreh Goran Nikollovski, drejtor i DSK-së.

Nuk ka kërcënim të drejtpërdrejtë për sigurinë e Maqedonisë, dhe propaganda që po ndodh është në sferën e interesave gjeo-strategjike, vlerësoi Nikolovski.

Kjo deklaratë e drejtorit të DSK-së, vjen në një kohë kur kryeministri Zaev vetëm pesë ditë më parë tha se nuk kishte informacion dhe dëshmi për ndikimin e mundshëm rus kundër referendumit.

“Sa i përket ndikimit të mundshëm të vendeve fqinje apo Rusisë apo vendeve të tjera në rajon, mund të them se nuk kemi identifikuar vende që kanë përhapur lajme të rreme, natyrisht, lufta e përgjithshme kundër lajmit të rremë mbetet këtu”- theksoi Zoran Zaev, kryeministër i Republikës së Maqedonisë.

Ndërkohë, ministri i Jashtëm rus Sergej Lavrov, gjatë vizitës së djeshme në Banja Lukë, mohoi se kishte një ndërhyrje ruse në rezultatin e referendumit. Përkundrazi, ai tha, ndryshe nga Moska zyrtare, shumë zyrtarë evropianë dhe amerikanë shkojnë çdo ditë në Maqedoni dhe apelojnë për referendumin.

Ndërsa, Alsat M një javë më parë publikoi informacion nga shërbimet e sigurisë për praninë e zyrtarëve rusë në Maqedoni, të cilët jozyrtarisht mund të agjitojnë kundër referendumit. Kur kërkuam përgjigje nga Departamenti për Analiza dhe Hulumtime në Drejtorinë për Siguri dhe Kundërzbulim, ata shkurtimisht njoftuan se gjithçka është nën kontroll.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.09.2018, 20:09  | D.J. | 1,615 i lexuar

 

 

 

Qeveria dhe organizatat mediatike për standardizimin e mediave të internetit

Shkup, 15 tetor - Përfaqësues të tre organizatave mediatike SHGM, SPGM dhe KEMM, të cilët e zhvillojnë iniciativën për krijimin e minimum kritereve në drejtim të mbrojtjes dhe promovim të profesionit në mediat e internetit, sot në takim me përfaqësuesit e Qeverisë informuan për idenë bazë dhe nevojën që të respektohen parime themelore të profesionit të gazetarëve në sferën e internetit.

Siç kumtuan nga shërbimi qeveritar për media, në takim morën pjesë ministri obliguar për komunikime, raportim dhe transparencë, Robert Popovski, këshilltari për marrëdhënie me opinionin të kryeministrit, Marjan Zabërçanec dhe zëdhënësi i Qeverisë Mile Boshnjakovski mbajnë takim pune me përfaqësuesit e SHGM-së, Naser Selmani, kryetaren e Këshillit drejtues të Këshillit për etikë të mediave, Katerina SInadinovska dhe kryetaren e Sindikatës së pavarur të gazetarëve dhe punonjësve mediatikë, Tamara Çausidis.

"Ministri Popovski në takim e përshëndeti inciativën, duke potencuar se organizatat janë në rrugë të duhur përmes vetërregullimit për t'i theksuar dhe konfirmuar paqartësitë, të cilat ekzistojnë në sferën e internet mediave me qëllim që të arrihen standardet etike", qëndron në kumtesë.

Në takimin e punës, organizatat mediatike gjithashtu i paralajmëruan aktivitetet e ardhshme lidhur me iniciativën, gjegjësisht miratim shtesë të kritereve dhe afatin kohor me qëllim që të gjitha palët e cenueshme të cilat punojnë në hapësirën e internetit në Maqedoni, të ketë periudhë për përshtatje.

"Qeveria e Republikës së Maqedonisë, qartë tregon se çdoherë do të jetë partnere e organizatave mediatike në aktivitetet e tyre të cilat janë shumë të rëndësishme, si për mediat dhe punonjësit mediatikë, ashtu edhe për interesin publik të qytetarëve në vend", theksohet në kumtesë. 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 16:35  | D.J. | 87 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.