Tasevski: Persona me maska na kërcënonin se do të na vrasin
maqedonia
Tasevski: Persona me maska na kërcënonin se do të na vrasin

Tasevski: Persona me maska na kërcënonin se do të na vrasin

Shkup, 21 shtator - Disa persona me maska në fytyrë na kërcënonin se do të na likuidojnë, na shanin dhe na godisnin me gjithçka që kishin, dëshmoi sonte Sasho Tasevski, drejtor aktual i BSP-së, i cili në kohën e ngjarjeve në Kuvend ishte sigurim i ministrit të Punëve të Brendshme, Oliver Spasovski.

 

Tasevski në seancën për "27 prillin" në Gjykatën Penale, tha se sulmuesit thoshin se do t'i vrasin dhe se nuk kanë se ku të shkojnë dhe se do të shpallet gjendje lufte.

 

"Në qendrën për media të Kuvendit u sulmuam me shufra, me stative të kamerave dhe gjësende të tjera. Ajo periudhë nuk e di sa zgjati, derisa nuk erdhën nga Njesiti për Sistemim të Shpejtë dhe na evakuuan në zyrën e deputetit Vllatko Gjorçev", tha Tasevski, duke iu përgjigjur pyetjeve të prokurores Vilma Ruskovksa.

 

Ai tha se si pasojë e sulmeve i ka pasur dy çarje në kokë, nofullën e lënduar dhe plevitosje nëpër trup.

 

Në pyetjen e avokatit Goce Ristovski, dëshmitari tha se kanë qenë dhjetëra persona me maska në fytyrë të cilët thonin se do t'i likuidojnë. Avokati Zvonko Davidoviq e pyeti Tasevskin, nëse brenda ka parë pjesëtarë të njësisë speciale, të cilës iu përgjigj se persona me uniforma ka parë jashtë Kuvendit.

"Në Kuvend persona me uniforma pashë vetëm kur filluan të na evakuuojnë", tha Tasevski.

© ZHURNAL 21.09.2018, 23:30 | T.E. | 3,920 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."