ZHURNAL.MK ZHURNAL.KS ZHURNAL.AL

 

Lajme nga Maqedonia
Shekerinska dhe Zhbogar e shënuan fillimin e "Pastërmajliadës" së Shtipit

Shtip, 21 shtator - Me prerjen e pastërmajlisë gjigante filloi edicioni i 12-të i "Pastërmajliadës" së Shtipit. Në hapjen solemne morën pjesë edhe euroambasadori Samuel Zhbogar dhe zëvendëskryeministrja dhe ministre e Mbrojtjes Radmilla Shekerinska .

 

Euroambasadori, Zhbogar theksoi se pastrmajlia e Shtipit është me të vërtetë e shijshme dhe e shkëlqyer.

 

"Para disa ditëve së bashku me eurokomisarin Johanes Han kishim rastin që ta vizitojmë Shtipin dhe që atëherë qytetarët e Shtipit na thanë se nuk ekziston vetëm Shkupi, por se ka edhe qytete të tjera në Maqedoni të cilat janë të bukura dhe më të vërtetë më vjen mirë që mund të dilnim nga Shkupi që ta shohim traditën. Me të vërtetë ne në Bashkimin Evropian i vemë theks të veçantë ruajtjes së traditës. Me të vërtetë unë u kënaqa sonte", thotë Zhbogar.

 

Ministrja e Mbrojtjes, Shekerinska theksoi se gjatë fundjavës të gjitha rrugët çojnë në Shtip, ndërsa siç tha veçanërisht i vjen mirë që këtë natë organizatorët e kanë kombinuar ushqimin vendor, me muzikën vendore.

"Kishim rastin që të dëgjojmë muzikë të shkëlqyer vendore dhe kjo tregon  se komunat tona, institucionet tona mbajnë llogari që ta ruajmë dhe ta ndërtojmë atë që është e mirë dha atë që është e jona. Qeveria e RM-së nuk mori pjesë në organizimin, por vetëm mund të japim lëvdata për Komunën e Shtipit, për shkak të asaj që tregoi se këto ditë vëmendja dhe sytë janë përqendruar drejtë Shtipit, si qendër e  lindjes së Maqedonisë. Me të vërtetë më vjen mirë që edhe eurokomisari Han, i cili zakonisht ishte vetëm mysafir në Shkup kishte rastin që të shohë se sa është e bukur Maqedonia edhe jashtë kryeqytetit dhe që ishte mysafir këtu dhe e dërgoi porosinë se edhe Maqedonia dhe Shtipi duhet të jenë evropiane.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 21.09.2018, 23:12  | T.E. | 1,207 i lexuar

 

 

 

Qeveria dhe organizatat mediatike për standardizimin e mediave të internetit

Shkup, 15 tetor - Përfaqësues të tre organizatave mediatike SHGM, SPGM dhe KEMM, të cilët e zhvillojnë iniciativën për krijimin e minimum kritereve në drejtim të mbrojtjes dhe promovim të profesionit në mediat e internetit, sot në takim me përfaqësuesit e Qeverisë informuan për idenë bazë dhe nevojën që të respektohen parime themelore të profesionit të gazetarëve në sferën e internetit.

Siç kumtuan nga shërbimi qeveritar për media, në takim morën pjesë ministri obliguar për komunikime, raportim dhe transparencë, Robert Popovski, këshilltari për marrëdhënie me opinionin të kryeministrit, Marjan Zabërçanec dhe zëdhënësi i Qeverisë Mile Boshnjakovski mbajnë takim pune me përfaqësuesit e SHGM-së, Naser Selmani, kryetaren e Këshillit drejtues të Këshillit për etikë të mediave, Katerina SInadinovska dhe kryetaren e Sindikatës së pavarur të gazetarëve dhe punonjësve mediatikë, Tamara Çausidis.

"Ministri Popovski në takim e përshëndeti inciativën, duke potencuar se organizatat janë në rrugë të duhur përmes vetërregullimit për t'i theksuar dhe konfirmuar paqartësitë, të cilat ekzistojnë në sferën e internet mediave me qëllim që të arrihen standardet etike", qëndron në kumtesë.

Në takimin e punës, organizatat mediatike gjithashtu i paralajmëruan aktivitetet e ardhshme lidhur me iniciativën, gjegjësisht miratim shtesë të kritereve dhe afatin kohor me qëllim që të gjitha palët e cenueshme të cilat punojnë në hapësirën e internetit në Maqedoni, të ketë periudhë për përshtatje.

"Qeveria e Republikës së Maqedonisë, qartë tregon se çdoherë do të jetë partnere e organizatave mediatike në aktivitetet e tyre të cilat janë shumë të rëndësishme, si për mediat dhe punonjësit mediatikë, ashtu edhe për interesin publik të qytetarëve në vend", theksohet në kumtesë. 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 16:35  | T.E. | 482 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.