ZHURNAL.MK ZHURNAL.KS ZHURNAL.AL

 

Lajme nga Maqedonia
Klinika e Neurokirurgjisë zgjeron kapacitetet

Shkup, 21 shtator - Bëhet fjalë për zgjerimin e 30 metra katrorë, në të cilin do të vendosen 11 shtretër të rinj për pacientët.

Klinika informon se janë blerë edhe 4 aparate të reja, kurse të vjetrat janë plotësisht të servisuara.

 

“Kemi bërë zgjerimin e parë hapësinor për rreth 30 m2. Nga 110 m2, tani jemi rreth 140 m2 dhe riorganizim tërësisht arkitektonik të stafit mjekësor dhe vëzhgimit të pacientëve, si dhe për zonat e mbetura të magazinimit për ilaçe, furnizime mjekësore dhe tualete”,- deklaroi drejtori i Klinikës së Neurokirurgjisë, Vladimir Rendevski.

 

 

Ministri i Shëndetësisë, Venko Filipçe, njoftoi modernizimin e mëtejshëm të klinikës me pajisje dhe metoda të reja në përputhje me standardet evropiane.

 

“Nga viti i ardhshëm planifikojmë të prezantojmë dy metoda, si  salla e parë hibride që do të ketë një angiografi – krevat lëvizës, diçka që nuk ekziston në vendet e rajonit dhe Da Vinci Robot, për fillimin e operacionit robotik”,- theksoi ministri i shëndetësisë, Venko Filipçe.

 

 

Për rritjen e personelit mjekësor do të ndikohet gjithashtu nga përmirësimi i cilësisë së shërbimeve shëndetësore.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 21.9.2018, 19:44  | T.E. | 1,108 i lexuar

 

 

 

Konfirmohet mbështetja nga Mbretëria e Bashkuar për Marrëveshjen e Prespës

Shkup, 22 tetor - Ambasadorja britanike Rejçel Gallouej në takimin e sotëm me kryeministrin Zoran Zaev, e përshëndeti vendimin e Kuvendit të Maqedonisë në mbështetje të Marrëveshjes së Prespës, duke e vlerësuar si një hap të rëndësishëm përpara në integrimet euroatlantike të Republikës së Maqedonisë.

Siç kumtoi pres qendra qeveritare, të dy gjatë takimit kanë konstatuar se shumica prej dy të tretave në Kuvend për Propozimin për ndryshimet kushtetuese dëshmoi se është e mundur që deputetët e pozitës dhe të opozitës të punojnë së bashku kur bëhet fjalë për çështje kyçe për qytetarët dhe për shtetin, siç janë integrimet dhe reformat. Bashkëbiseduesit kanë shprehur mbështetje për të përforcuar konsensusin në Kuvend për çështje me interes shtetëror.

“Do të vazhdojmë në një atmosferë pozitive, nëpërmjet konstruktivitetit dhe përfshirjes, me deputetët në Kuvend, të punojmë në projekt amendamentet kushtetuese. Vërejtjet e deputetëve të opozitës të cilët dhanë mbështetje në procesin e integrimit euroatlantik të Maqedonisë, në lidhje me përmbajtjen e amendamenteve, janë në frymën e Marrëveshjes së Prespës”, tha kryeministri Zaev, qëndron në kumtesë.

Kryetari i Qeverisë, Zoran Zaev, shtohet, në lidhje me reformat ka njoftuar se fokusi është në fazën e dytë të reformave gjyqësore, ligjet kundër korrupsionit, reformat në DZK, në administratën publike.

Ambasadorja Gallouej njoftoi se Mbretëria e Bashkuar në mënyrë aktive e ndjek situatën politike në Maqedoni dhe se jep mbështetje parimore për pajtim, që është e rëndësishme për integrimin e Maqedonisë, dhe me atë edhe për stabilitetin e gjithë rajonit, qëndron në kumtesë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.10.2018, 16:19  | T.E. | 3.154 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.