ZHURNAL.MK ZHURNAL.KS ZHURNAL.AL

 

Bota
May: BE duhet të respektojë Britaninë në negociatat për Brexit

Kryeministrja britanike, Theresa May ka thënë se Bashkimi Evropian duhet ta trajtojë Mbretërinë e Bashkuar me “respekt” në negociatat për Brexit.

Në një deklaratë të nisur nga Downing Street, ajo ka thënë për liderët e BE-së, se kundërshtimi i planit të saj pa ofruar alternativë në “këtë fazë të vonë të negociatave” është “i papranueshëm”.

Përveç tjerash, May ka thënë se “nuk do të përmbysë rezultatin e referendumit dhe nuk do ta ndajë shtetin tim”.

Sekretari britanik për Brexit, Dominic Raab ka thënë se nuk ka “alternativë të besueshme” në tavolinë nga bisedimet e BE-në.

Ai po ashtu ka shprehur dyshim rreth seriozitetit të liderëve të BE-së lidhur me këto negociata.

Raab ka thënë për BBC-në se “neve na u janë kundërshtuar planet pa ndonjë sqarim se pse”.

Sipas tij, Qeveria Britanike do të “vazhdojë të jetë e qetë dhe të mbajë negociatat në frymën e besimit të mirë”.

Britania e Madhe pritet të largohet nga Bashkimi Evropian më 29 mars të vitit 2019.

May ka thënë se plani i saj për Britaninë dhe BE-në për të zbatuar “rregullore të njëjtë” për mallra por jo edhe shërbime, është rruga e vetme kredibile për të anashkaluar një kufi të ashpër në mes të Irlandës Veriore dhe Republikës së Irlandës.

Mirëpo plani i May është kundërshtuar edhe nga anëtarë të vetë partisë së saj, të cilët thonë se një plan i tillë do të krijonte kompromise për sovranitetin e Britanisë.

Ndërkohë, Presidenti i Këshillit Evropian ka thënë në një konferencë për media, pas takimit të liderëve të BE-së në Salsburg se, ka pasur disa “elemente pozitive” në planin e kryeministres britanike.

Mirëpo ai po ashtu ka deklaruar se liderët evropianë janë pajtuar për të rishkruar propozimin, pasi “plani për bashkëpunim ekonomik nuk do të funksionojë”.

Kryeministri irlandez, Leo Varadkar, ka thënë për RTE-në të premten se “jam duke punuar çdo ditë sikurse njerëzit në Evropë dhe Qeverinë Britanike për të mënjanuar një Brexit pa marrëveshje”.

Mbretëria e Bashkuar dhe Bashkimi Evropian janë duke tentuar të arrijnë një marrëveshje për Brexit deri në mes të muajit nëntor si dhe po synojnë t’i ikin kufirit të ashpër, në mes të Republikës së Irlandës dhe Irlandës Veriore, mirëpo ende nuk kanë arritur gjuhë të përbashkët në këtë çështje.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 21.9.2018, 16:16  | D.J. | 288 i lexuar

 

 

 

Konfirmohet mbështetja nga Mbretëria e Bashkuar për Marrëveshjen e Prespës

Shkup, 22 tetor - Ambasadorja britanike Rejçel Gallouej në takimin e sotëm me kryeministrin Zoran Zaev, e përshëndeti vendimin e Kuvendit të Maqedonisë në mbështetje të Marrëveshjes së Prespës, duke e vlerësuar si një hap të rëndësishëm përpara në integrimet euroatlantike të Republikës së Maqedonisë.

Siç kumtoi pres qendra qeveritare, të dy gjatë takimit kanë konstatuar se shumica prej dy të tretave në Kuvend për Propozimin për ndryshimet kushtetuese dëshmoi se është e mundur që deputetët e pozitës dhe të opozitës të punojnë së bashku kur bëhet fjalë për çështje kyçe për qytetarët dhe për shtetin, siç janë integrimet dhe reformat. Bashkëbiseduesit kanë shprehur mbështetje për të përforcuar konsensusin në Kuvend për çështje me interes shtetëror.

“Do të vazhdojmë në një atmosferë pozitive, nëpërmjet konstruktivitetit dhe përfshirjes, me deputetët në Kuvend, të punojmë në projekt amendamentet kushtetuese. Vërejtjet e deputetëve të opozitës të cilët dhanë mbështetje në procesin e integrimit euroatlantik të Maqedonisë, në lidhje me përmbajtjen e amendamenteve, janë në frymën e Marrëveshjes së Prespës”, tha kryeministri Zaev, qëndron në kumtesë.

Kryetari i Qeverisë, Zoran Zaev, shtohet, në lidhje me reformat ka njoftuar se fokusi është në fazën e dytë të reformave gjyqësore, ligjet kundër korrupsionit, reformat në DZK, në administratën publike.

Ambasadorja Gallouej njoftoi se Mbretëria e Bashkuar në mënyrë aktive e ndjek situatën politike në Maqedoni dhe se jep mbështetje parimore për pajtim, që është e rëndësishme për integrimin e Maqedonisë, dhe me atë edhe për stabilitetin e gjithë rajonit, qëndron në kumtesë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.10.2018, 16:19  | D.J. | 2.910 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.