Le Roa: Marrëveshja nuk është perfekte, por e hapë rrugën drejt BE-së dhe NATO-s
maqedonia
Le Roa: Marrëveshja nuk është perfekte, por e hapë rrugën drejt BE-së dhe NATO-s

Le Roa: Marrëveshja nuk është perfekte, por e hapë rrugën drejt BE-së dhe NATO-s

Shkup, 21 shtator - Marrëveshja nuk është perfekte, por është e rëndësishme. Kemi besim dhe jemi optimistë se të gjithë që ia mendojnë të mirën ardhmërisë së Maqedonisë do të dalin dhe do të sjellin vendim që do ta afrojë edhe deri te BE-ja dhe NATO, janë mesazhet nga Franca, të theksuara në kuadër të panel-diskutimit "Reforma, referendum dhe integrime euroatlantike të Republikës së Maqedonisë", në Ministrinë e Punëve të Jashtme të Republikës së Maqedonisë.

Ambasadori i nderit i Francës, Alen Le Roa, porositi se ka ardhur në Maqedoni sepse është para një momenti të fuqishëm historik dhe se interesi i të gjithë përfaqësuesve të huaj të cilët vijnë ta theksojnë mendimin e tyre është shenjë edhe e kujdesit dhe miqësisë, por asnjëherë shenjë e kanosjeve.

"Ekziston njëzëshmëri në kuadër të Bashkimit Evropian dhe kjo ishte e shkruar në kuadër të vendimeve nga Këshilli Evropian. Ekziston njëzëshmëri për mbështetje të Marrëveshjes së Prespës. Nesër do të publikohet video me mesazh nga presidenti francez Emanuel Makron, me mesazh dhe mbështetje të qartë të marrëveshjes dhe mbështetje për referendumin", tha Le Roa.

Theksoi se presidenti Makron, në video mesazhin, shkon madje deri atje që e inkurajon popullatën që të dalë të votojë dhe të votojë "për".

"Kjo është dëshirë e tij, por megjithatë vendimi mbetet i popullatës së Maqedonisë, por kjo është edhe mbështetja nga niveli më i lartë nga Franca Kjo është diçka që është harmonizuar me qëndrimin e Bashkimit Evropian. Kancelrja Merkel erdhi dhe e tha të njëjtën, ndërsa të njëjtën do ta përsërisë presidenti Makron", tha Le Roa.

Mendimi i Francës, vazhdoi ai, është se marrëveshja nuk është perfekte, sepse asnjë marrëveshje nuk është perfekte.

"Marrëveshja e parë midis De Gol dhe Adenauer, që u shndërrua në Marrëveshje të Eliseut, është kritikuar shumë. Kjo marrëveshje nuk ishte perfekte, siç edhe kjo marrëveshje nuk është perfekte, por me këtë hapet rruga e një pajtimi perfekt midis Francës dhe Gjermanisë", tha Le Roa.

Maqedoni, porositi ai, ishte një nga vendet e Ballkanit, që e para e nënshkroi Marrëveshjen për stabilizim dhe asociim dhe në vitin 2005 dhe i është dhënë statusi vend kandidat.

"Pengesa kryesore gjithë këtyre 25 viteve është çështja për emrin dhe tani nëse ekziston të tejkalohet kjo ngecje, duket se Bashkimi Evropian dhe evropianët do t'ju mbështesin", tha Le Roa.

© ZHURNAL 21.09.2018, 15:22 | D.J. | 1,643 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."