ZHURNAL.MK ZHURNAL.KS ZHURNAL.AL

 

Lajme nga Maqedonia
Shekerinska: Nuk ka zgjedhje dhe prononcim më të madh se sa referendumi

Shkup, 21 shtator - Zgjedhje më të mëdha dhe prononcim më të qartë se referendumi i ardhshëm nuk do të ketë. Këtë porosi qytetarët do na e dërgojnë më 30 shtator dhe për këtë thirrja jonë deri te të gjithë është ta shfrytëzojnë këtë të drejtë dhe ta thonë qëndrimin e tyre, u përgjigj ministrja e Mbrojtjes Radmilla Shekerinska në pyetjet e gazetarëve nëse zgjedhjet e parakohshme parlamentare janë opsion "B" pas deklarimit të deputetëve të VMRO-DPMNE se nuk do të votojnë për ndryshimet kushtetuese.

"Kjo pjesë e diskutimeve në kuadër të Parlamenti tregon se disa parti më shumë zhvillojnë politikë partiake se sa politikë shtetërore dhe më vjen shumë keq për këtë. I dëgjuam thirrjet e të gjithë qytetarëve të votojnë sipas bindjes dhe mendimit të tyre. Besojmë në këto fjalë. I dëgjuam  deklaratat se nëse referendumi do të jetë pozitiv me mbështetje për anëtarësimin tonë në NATO dhe BE dhe pranimin e marrëveshjes, besojmë në këto fjalë sepse vlerësojmë se vërtetë partitë politike kanë përgjegjësi për atë që e thonë. Adresa e vërtetë për këtë pyetje është në partinë e cila dërgon tre versione të ndryshme në pyetjen e njëjtë. Tre përgjigje të ndryshme", tha Shekerinska pas hapjes së sotme të Universitetit të katërt mobil veror në Ballkan në Fakultetin Juridik "Justiniani i Parë".

Ne jemi të përqendruar në referendumin, nënvizoi, sepse çdo ditë shohim argumente shtesë pse Maqedonia duhet një orë më parë të bëhet anëtare e NATO-s dhe BE-së. Jemi të përqendruar në referendumin, theksoi, sepse shohim që shumica e madhe e qytetarëve dëshirojnë të zgjidhet problemi dhe shteti të ecë para.

Në pyetjen nëse te Qeveria e Maqedonisë përmes non-pejper kanë arritur ndryshimet kushtetuese të përpiluara nga ana greke, Shekerinska tha se këtë periudhë jemi bombarduar me gënjeshtra dhe të pavërteta, ndërsa qëllimi, është tha, sërish të mos fokusohemi në nevojat e qytetarëve, por të fokusohemi në nevojat e VMRO-DPMNE-së.

E pyetur a është i nevojshëm takim i ri i liderëve apo dialog politik pas referendumit, Shekerinska e përpiktë se Maqedonia duhet të bëhet shtet normal në të cilin pushteti dhe opozita gjithmonë duhet edhe është e dëshirueshme të diskutojnë. Ajo shprehi bindjen se edhe takimet e liderëve, komunikimi dhe bashkëpunimi mes partive politike janë ato që ua kemi borxh qytetarëve.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 21.09.2018, 15:00  | D.J. | 907 i lexuar

 

 

 

Qeveria dhe organizatat mediatike për standardizimin e mediave të internetit

Shkup, 15 tetor - Përfaqësues të tre organizatave mediatike SHGM, SPGM dhe KEMM, të cilët e zhvillojnë iniciativën për krijimin e minimum kritereve në drejtim të mbrojtjes dhe promovim të profesionit në mediat e internetit, sot në takim me përfaqësuesit e Qeverisë informuan për idenë bazë dhe nevojën që të respektohen parime themelore të profesionit të gazetarëve në sferën e internetit.

Siç kumtuan nga shërbimi qeveritar për media, në takim morën pjesë ministri obliguar për komunikime, raportim dhe transparencë, Robert Popovski, këshilltari për marrëdhënie me opinionin të kryeministrit, Marjan Zabërçanec dhe zëdhënësi i Qeverisë Mile Boshnjakovski mbajnë takim pune me përfaqësuesit e SHGM-së, Naser Selmani, kryetaren e Këshillit drejtues të Këshillit për etikë të mediave, Katerina SInadinovska dhe kryetaren e Sindikatës së pavarur të gazetarëve dhe punonjësve mediatikë, Tamara Çausidis.

"Ministri Popovski në takim e përshëndeti inciativën, duke potencuar se organizatat janë në rrugë të duhur përmes vetërregullimit për t'i theksuar dhe konfirmuar paqartësitë, të cilat ekzistojnë në sferën e internet mediave me qëllim që të arrihen standardet etike", qëndron në kumtesë.

Në takimin e punës, organizatat mediatike gjithashtu i paralajmëruan aktivitetet e ardhshme lidhur me iniciativën, gjegjësisht miratim shtesë të kritereve dhe afatin kohor me qëllim që të gjitha palët e cenueshme të cilat punojnë në hapësirën e internetit në Maqedoni, të ketë periudhë për përshtatje.

"Qeveria e Republikës së Maqedonisë, qartë tregon se çdoherë do të jetë partnere e organizatave mediatike në aktivitetet e tyre të cilat janë shumë të rëndësishme, si për mediat dhe punonjësit mediatikë, ashtu edhe për interesin publik të qytetarëve në vend", theksohet në kumtesë. 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 16:35  | D.J. | 107 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.