ZHURNAL.MK ZHURNAL.KS ZHURNAL.AL

 

Kuriozitete
Ndodh edhe kjo, rrjeta 300 metra e gjatë e merimangave mbulon zonën e gjelbëruar të bregut perëndimor në Greqi (Foto/Video)

Moti i nxehtë, lagështia e ajrit si dhe ushqimi i mjaftueshëm kanë bërë që të pushtohen plazhet nga insektet e ndryshme siç janë mushkonjat. Dhe aty ku ka mushkonja ka edhe merimanga, dhe kështu në Greqi kanë arritur të krijojnë skenë të frikshme, ku kanë bërë një rrjetë të gjatë prej 300 metrave.

Një sipërfaqe e gjerë e gjelbëruar është mbuluar e tëra më rrjetë të merimangës. Ekspertët thonë se ky është një fenomen sezonal që e shkaktojnë merimangat  e llojit tetragnath, transmeton Telegrafi.

Maria Cazaki, profesoreshë e biologjisë dhe gjenetikës në Universitetin “Democrit”, ka deklaruar se temperaturat e larta, lagështia e mjaftueshme dhe ushqimi i bollshëm kanë krijuar kushtet ideale për riprodhimin e kësaj specie në numër të madh.

“Duket sikur merimangat i shfrytëzojnë këto kushte dhe u duket disi argëtuese, ato rreziten, riprodhohen dhe krijojnë një brez tërësisht të ri”, ka shtuar profesoresha.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 21.9.2018, 16:48  | Z.H. | 630 i lexuar

 

 

 

Konfirmohet mbështetja nga Mbretëria e Bashkuar për Marrëveshjen e Prespës

Shkup, 22 tetor - Ambasadorja britanike Rejçel Gallouej në takimin e sotëm me kryeministrin Zoran Zaev, e përshëndeti vendimin e Kuvendit të Maqedonisë në mbështetje të Marrëveshjes së Prespës, duke e vlerësuar si një hap të rëndësishëm përpara në integrimet euroatlantike të Republikës së Maqedonisë.

Siç kumtoi pres qendra qeveritare, të dy gjatë takimit kanë konstatuar se shumica prej dy të tretave në Kuvend për Propozimin për ndryshimet kushtetuese dëshmoi se është e mundur që deputetët e pozitës dhe të opozitës të punojnë së bashku kur bëhet fjalë për çështje kyçe për qytetarët dhe për shtetin, siç janë integrimet dhe reformat. Bashkëbiseduesit kanë shprehur mbështetje për të përforcuar konsensusin në Kuvend për çështje me interes shtetëror.

“Do të vazhdojmë në një atmosferë pozitive, nëpërmjet konstruktivitetit dhe përfshirjes, me deputetët në Kuvend, të punojmë në projekt amendamentet kushtetuese. Vërejtjet e deputetëve të opozitës të cilët dhanë mbështetje në procesin e integrimit euroatlantik të Maqedonisë, në lidhje me përmbajtjen e amendamenteve, janë në frymën e Marrëveshjes së Prespës”, tha kryeministri Zaev, qëndron në kumtesë.

Kryetari i Qeverisë, Zoran Zaev, shtohet, në lidhje me reformat ka njoftuar se fokusi është në fazën e dytë të reformave gjyqësore, ligjet kundër korrupsionit, reformat në DZK, në administratën publike.

Ambasadorja Gallouej njoftoi se Mbretëria e Bashkuar në mënyrë aktive e ndjek situatën politike në Maqedoni dhe se jep mbështetje parimore për pajtim, që është e rëndësishme për integrimin e Maqedonisë, dhe me atë edhe për stabilitetin e gjithë rajonit, qëndron në kumtesë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.10.2018, 16:19  | Z.H. | 2.851 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.