ZHURNAL.MK ZHURNAL.KS ZHURNAL.AL

 

Lajme nga Maqedonia
Hasim Murtezani: Urgjentisht të vendoset sinjalizim në rrugën kryesore të Sarajit, të parandalohen dëmet

Shkup, 20 shtator – Si një shqetësim të rradhës që eksperti  i sigurisë Hasim Murtezani e ka ngritur është pasiguria në rrugën kryesore të Sarajit pasiqë ai thotë se nuk ka asnjë lloj shenje e as vizë të bardhë për këmbësorët.

Siguria e komunikacionit në rrugën kryesore në Saraj, po shëndrohet në preokupim dhe pasiguri për qytetarët. Rruga kryesore nga urra e Sarajit e deri tek hyrja në Liqenin Treska nuk ka asnjë lloj shenje, viza të bardha kaluese për këmbësorët apo mjet tjetër për parandalimin e shpejtësisë nga shoferët e papërgjegjëshëm”, thotë kështu Murtezani.

Sipas tij, sukses mund të llogaritet parandalimi i dëmit në kohë dhe jo ndërmarja e masave pasiqë të ndodh dëmi.

Në rrugën kryesore të Sarajit, po ndodh shpesh të kemi dhe aksidente me pasojë shkelje të ndonjë njeriu e cila mund dhe të ketë dhe pasoja me jetë njerzish! Autoritetet komunale, kanë obligim të krijojnë kushte për një komunikacion të sigurt duke marë përsipër gjitha masat brenda kompetencave që ju takojnë! Sukses llogaritet parandalimi i dëmit në kohë dhe jo ndërmarja e masave pasi pasojat të ndodhin”, vlerëson mes tjerave në shkrimin e tij Murtezani.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 20.09.2018, 21:12  | T.E. | 4,408 i lexuar

 

 

 

Qeveria dhe organizatat mediatike për standardizimin e mediave të internetit

Shkup, 15 tetor - Përfaqësues të tre organizatave mediatike SHGM, SPGM dhe KEMM, të cilët e zhvillojnë iniciativën për krijimin e minimum kritereve në drejtim të mbrojtjes dhe promovim të profesionit në mediat e internetit, sot në takim me përfaqësuesit e Qeverisë informuan për idenë bazë dhe nevojën që të respektohen parime themelore të profesionit të gazetarëve në sferën e internetit.

Siç kumtuan nga shërbimi qeveritar për media, në takim morën pjesë ministri obliguar për komunikime, raportim dhe transparencë, Robert Popovski, këshilltari për marrëdhënie me opinionin të kryeministrit, Marjan Zabërçanec dhe zëdhënësi i Qeverisë Mile Boshnjakovski mbajnë takim pune me përfaqësuesit e SHGM-së, Naser Selmani, kryetaren e Këshillit drejtues të Këshillit për etikë të mediave, Katerina SInadinovska dhe kryetaren e Sindikatës së pavarur të gazetarëve dhe punonjësve mediatikë, Tamara Çausidis.

"Ministri Popovski në takim e përshëndeti inciativën, duke potencuar se organizatat janë në rrugë të duhur përmes vetërregullimit për t'i theksuar dhe konfirmuar paqartësitë, të cilat ekzistojnë në sferën e internet mediave me qëllim që të arrihen standardet etike", qëndron në kumtesë.

Në takimin e punës, organizatat mediatike gjithashtu i paralajmëruan aktivitetet e ardhshme lidhur me iniciativën, gjegjësisht miratim shtesë të kritereve dhe afatin kohor me qëllim që të gjitha palët e cenueshme të cilat punojnë në hapësirën e internetit në Maqedoni, të ketë periudhë për përshtatje.

"Qeveria e Republikës së Maqedonisë, qartë tregon se çdoherë do të jetë partnere e organizatave mediatike në aktivitetet e tyre të cilat janë shumë të rëndësishme, si për mediat dhe punonjësit mediatikë, ashtu edhe për interesin publik të qytetarëve në vend", theksohet në kumtesë. 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 16:35  | T.E. | 836 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.