Ruçi iu bëri thirrje shqiptarëve të Maqedonisë që në mënyrë masive të dalin dhe të votojnë "pro" në referendum
maqedonia
Ruçi iu bëri thirrje shqiptarëve të Maqedonisë që në mënyrë masive të dalin dhe të votojnë "pro" në referendum

Ruçi iu bëri thirrje shqiptarëve të Maqedonisë që në mënyrë masive të dalin dhe të votojnë "pro" në referendum

Tiranë, 20 shtator - Kryetari i Parlamentit  të Shqipërisë, Gramoz Ruçi i ftoi shqiptarët në Maqedoni që në mënyrë masive të dalin dhe të votojnë "pro" në referendumin që do të mbahet më 30 shtator.

 

Siç kishte vlerësuar në takimin në Tiranë, me kryetaren e Tetovës, Teuta Arifi, rezultati pozitiv i referendumit është me rëndësi të madhe për të ardhmen evropiane të Maqedonisë dhe të gjithë rajonit.

 

"Forcat politike dhe institucionet e pushtetit qendror dhe lokal të kryesuara nga shqiptarët duhet të japin porosi të qartë për mbështetjen e referendumit. Ne shqiptarët, jemi faktor i rëndësishëm i stabilitetit jo vetëm për Maqedoninë, por edhe për të gjithë rajonin. Është pozitive se partitë politike shqiptare janë kryesisht për referendum dhe kjo duhet të ndiqet me mbështetjen nga ana e votuesve shqiptarë", deklaroi  Ruçi.

 

Ai shtoi se roli i komunës së Tetovës është kyç për sigurimin e pjesëmarrjes së shqiptarëve në referendum dhe thekson se "shqiptarët nuk duhet ta humbin këtë mundësi historike".

 

Kryetarja  e  Tetovës e theksoi faktin se forcat politike në Maqedoni e mbështesin referendumin dhe do të votojnë "pro".

 

"Suksesi i referendumit më 30 shtator e hap rrugën për ndryshime të tjera pozitive në Maqedoni, të cilat kanë dhe do të kenë mbështetjen edhe nga faktori ndërkombëtar. Faktori ndërkombëtar, në këtë çështje, si rrallë herë deri më tani, i mbështet forcat progresive në Maqedoni, të cilat bëjnë përpjekje që t'i zgjidhin problemet, për prosperitet, paqe dhe stabilitet në rajon", theksoi  Arifi.

 

Dy bashkëbiseduesit shfaqën besim se shqiptarët në mënyrë masive do të marrin pjesë në referendumin e 30-të shtatorit dhe se vota e tyre do të jetë "pro".

Arifi e falënderoi Ruçin për mbështetjen që Shqipëria dhe Kuvendi i këtij shteti e japin në këto momente për shqiptarët në Maqedoni.

© ZHURNAL 20.09.2018, 20:32 | T.E. | 929 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Ziadin Sela "kryeministër" e Ali Ahmeti lider i opozitës, thotë anketa më e re ?!
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
Tërmet dridhë Maqedoninë e Veriut
Rexhepi-Zejd: Opozita shqiptare ka bërë dy mashtrime politike në zgjedhjet presidenciale
Editorial 79.915 vota, dështim apo sukses për Blerim Rekën, ASH-në e Lëvizjen Besa ?!
Ekskluzive: Siljanovska e VMRO-së qëndron në shtabin zgjedhor të Blerim Rekës në Çarshinë e Shkupit
BDI përsëri mposht Aleancën dhe Besën në Dibër
LIVE: Ali Ahmeti: Unë ofrova kandidat të përbashkët shqiptar, Ziadini dhe Bilalli e refuzuan me përbuzje
Spasovski: Humbën një kolegë të ndershëm