ZHURNAL.MK ZHURNAL.KS ZHURNAL.AL

 

Kronika
Arrestohet një tetovar me armë dhe drogë

Tetovë, 20 shtator - Pistoletë me katër plumba, thikë, peshore digjitale, heroinë dhe hashash ka gjetur policia tek personi F.S (29) nga Tetova gjatë bastisjes në shtëpinë e tij, ka informuar zëdhënësi i SPB- Tetovë, Marjan Josifovski.

Sipas të dhënave të tij, tetovari i cili ka drejtuar me motoçikletë është vërejt nga policët dje në ora 18 e 30 minuta në bulevardin "Vidoja Smilevski- Bato" që kalon afër shkollës fillore "Kirili dhe Metodi".

"Kur policiët janë afruar deri te ai, ka filluar të ikë dhe ka hedhur pistoletën 'Brauning', me kalibër 7.65 milimetër me korrnizë prej katër plumbave që i ka poseduar pa leje. Shpejt ai është kapur dhe privuar nga liria dhe gjatë kontrollit të motiçikletës nën sedilje është gjetur thikë. Pak më vonë është kryer bastisje në shtëpinë e tij dhe hapësira ndihmëse ku janë gjetur dy peshore digjitale, heroinë dhe hashash. Gjithçka që është gjetur është marrë dhe do të bëhet ekspertizë me çka kundër F.S, që është mbajtur në stacion policor në Tetovë sdo të ketë masë adekuate", ka thënë Josifovski.

Sipas të dhënave policore vetëm në dy javët e fundit në rajonin e Tetovës dhe Gostivarit janë arrestuar rreth 70 persona të cilët dyshohen se kanë marrë pjesë në shitjen apo përdorimin e marijuanës, heroniës dhe kokainës. Pjesa më e madhe e personave janë nga Tetova, Gostivari dhe më shumë fshatra në moshë prej 15 deri 46 vjeç. Nga policia, madje paralajmërojnë se pas pastrimit të rastit për personat e identifikuar të cilët kanë marrë pjesë në shitjen apo kanë përdorë mjete narkotike do të pasojnë parashtresa. 

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 20.9.2018, 13:33  | D.J. | 2,357 i lexuar

 

 

 

Konfirmohet mbështetja nga Mbretëria e Bashkuar për Marrëveshjen e Prespës

Shkup, 22 tetor - Ambasadorja britanike Rejçel Gallouej në takimin e sotëm me kryeministrin Zoran Zaev, e përshëndeti vendimin e Kuvendit të Maqedonisë në mbështetje të Marrëveshjes së Prespës, duke e vlerësuar si një hap të rëndësishëm përpara në integrimet euroatlantike të Republikës së Maqedonisë.

Siç kumtoi pres qendra qeveritare, të dy gjatë takimit kanë konstatuar se shumica prej dy të tretave në Kuvend për Propozimin për ndryshimet kushtetuese dëshmoi se është e mundur që deputetët e pozitës dhe të opozitës të punojnë së bashku kur bëhet fjalë për çështje kyçe për qytetarët dhe për shtetin, siç janë integrimet dhe reformat. Bashkëbiseduesit kanë shprehur mbështetje për të përforcuar konsensusin në Kuvend për çështje me interes shtetëror.

“Do të vazhdojmë në një atmosferë pozitive, nëpërmjet konstruktivitetit dhe përfshirjes, me deputetët në Kuvend, të punojmë në projekt amendamentet kushtetuese. Vërejtjet e deputetëve të opozitës të cilët dhanë mbështetje në procesin e integrimit euroatlantik të Maqedonisë, në lidhje me përmbajtjen e amendamenteve, janë në frymën e Marrëveshjes së Prespës”, tha kryeministri Zaev, qëndron në kumtesë.

Kryetari i Qeverisë, Zoran Zaev, shtohet, në lidhje me reformat ka njoftuar se fokusi është në fazën e dytë të reformave gjyqësore, ligjet kundër korrupsionit, reformat në DZK, në administratën publike.

Ambasadorja Gallouej njoftoi se Mbretëria e Bashkuar në mënyrë aktive e ndjek situatën politike në Maqedoni dhe se jep mbështetje parimore për pajtim, që është e rëndësishme për integrimin e Maqedonisë, dhe me atë edhe për stabilitetin e gjithë rajonit, qëndron në kumtesë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.10.2018, 16:19  | D.J. | 2.836 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.