Afaristët e pasur arab nuk investuan në Tesla, një miliard dollarë i dërguan te kompani tjetër (Foto)
auto
Afaristët e pasur arab nuk investuan në Tesla, një miliard dollarë i dërguan te kompani tjetër (Foto)

Afaristët e pasur arab nuk investuan në Tesla, një miliard dollarë i dërguan te kompani tjetër (Foto)

Fal investimit prej një miliard dollarëve, Lucid Motors mund të lansojnë makinën e parë më 2020

Para disa javësh, udhëheqësi kryesor Tesla, Elon Musk u bë lajm, për shkak të postimit ku shkruan se ka siguruar fonde, për ta bërë kompaninë private.

Shumë njerëz besuan se investimi do të vije nga pasuria enorme e Arabisë Saudite, megjithëse kishte edhe të tillë që nuk mendonin se kjo do ndodhte. Mirëpo, asnjë prej grupeve nuk konfirmuan, apo hodhën poshtë lajmi.

Por, Lucid Motors një tjetër kompani që merret me prodhimin e EV me bazë në Kaliforni, ka bërë të ditur se ka pranuar investimin prej një miliard dollarëve, nga një grup afaristësh të pasur arab. Tesla nuk ka thënë ende asgjë.

Investimi i mundëson Lucid të prodhojë makinën e parë, një sedan me pesë dyer që do të quhet Air, ndërsa mund të lansohet më 2020.

Kjo makinë elektrike do të kushtojë rreth 60 mijë euro, pritet të prodhojë 1,000 kuajfuqi, ndërsa mund të lëvizë deri në 700 kilometra me një bateri. /Telegrafi/

 

© ZHURNAL 20.09.2018, 10:47 | Z.H. | 315 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."