ZHURNAL.MK ZHURNAL.KS ZHURNAL.AL

 

Lajme nga Maqedonia
Shekerinska: Maqedonisë i nevojtet sukses

Radovish, 18 shtator - Maqedonisë i nevojitet sukses. Duhet të fitojë fuqi. Duhet të bëjë sukses. Duhet të hapërojë përpara për të gjithë këta fëmijë dhe të rinj, të cilët na shohin dhe na thonë dëshirojmë më mirë dhe dëshirojmë më tepër, porositi ministrja e Mbrojtjes Radmilla Shekerinska në tribunën e sotme qytetare “Dil për Maqedoni evropiane”, që u mbajt në Radovish.

Ajo shtoi se që në vitin 2005, kur ka punuar në Qeverinë e atëhershme së bashku me shumë njerëz të mençur dhe të vlefshëm, kanë dëshiruar të bojnë diçka të vlefshme, me çka të gjithë do të krenohen dhe Maqedonisë t’i sigurojnë anëtarësim në BE.

“Kundër të gjitha parashikimeve për më pak se tre vite arritëm që Maqedoninë ta bëjmë vend kandidat, së bashku me Kroacinë dhe para të gjithë të tjerëve. Kaloi kohë, e ne mbetëm në vendin e njëjtë, ndërsa të tjerët e vendosën në shpejtësinë e tretë, të katërt dhe na kaluan dhe sot janë anëtarë të NATO-s dhe BE-së. Si atëherë që premtova dhe e mora si obligim personal, ashtu edhe sot në Radovish dëshiroj të them se këtë e ndjejmë si borxh, si detyrë para Maqedonisë që sa më shpejtë ta dërgojmë në NATO, sa më shpejtë të bëhemi anëtarja e 30-të”, tha Shekerinska.

Para qytetarëve të pranishëm, ministrja e Mbrojtjes tha se nuk duhet të mendojmë për shtet më të madh, por për shtet që do të kujdeset për të gjithë qytetarët.

U porositi qytetrarëve që mos të rinë të qetë deri më 30 shtator dhe se politikanët evropian – Kurc, Stoltenberg, Merkel ose ndonjë tjetër nuk do t’ua kryejnë punën, pasi ata kanë ardhur dhe e kanë hapur derën për vend i cili dëshiron të ec përpara dhe meriton të ketë dyer të hapura.

Në tribunë folën edhe kryertari i Komunës së Radovishit, Gerasim Konzullov dhe zëvendës – drejtori i Minierës “Buçim”, Nikollajço Nikollov.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 18.9.2018, 22:32  | T.E. | 1,808 i lexuar

 

 

 

Konfirmohet mbështetja nga Mbretëria e Bashkuar për Marrëveshjen e Prespës

Shkup, 22 tetor - Ambasadorja britanike Rejçel Gallouej në takimin e sotëm me kryeministrin Zoran Zaev, e përshëndeti vendimin e Kuvendit të Maqedonisë në mbështetje të Marrëveshjes së Prespës, duke e vlerësuar si një hap të rëndësishëm përpara në integrimet euroatlantike të Republikës së Maqedonisë.

Siç kumtoi pres qendra qeveritare, të dy gjatë takimit kanë konstatuar se shumica prej dy të tretave në Kuvend për Propozimin për ndryshimet kushtetuese dëshmoi se është e mundur që deputetët e pozitës dhe të opozitës të punojnë së bashku kur bëhet fjalë për çështje kyçe për qytetarët dhe për shtetin, siç janë integrimet dhe reformat. Bashkëbiseduesit kanë shprehur mbështetje për të përforcuar konsensusin në Kuvend për çështje me interes shtetëror.

“Do të vazhdojmë në një atmosferë pozitive, nëpërmjet konstruktivitetit dhe përfshirjes, me deputetët në Kuvend, të punojmë në projekt amendamentet kushtetuese. Vërejtjet e deputetëve të opozitës të cilët dhanë mbështetje në procesin e integrimit euroatlantik të Maqedonisë, në lidhje me përmbajtjen e amendamenteve, janë në frymën e Marrëveshjes së Prespës”, tha kryeministri Zaev, qëndron në kumtesë.

Kryetari i Qeverisë, Zoran Zaev, shtohet, në lidhje me reformat ka njoftuar se fokusi është në fazën e dytë të reformave gjyqësore, ligjet kundër korrupsionit, reformat në DZK, në administratën publike.

Ambasadorja Gallouej njoftoi se Mbretëria e Bashkuar në mënyrë aktive e ndjek situatën politike në Maqedoni dhe se jep mbështetje parimore për pajtim, që është e rëndësishme për integrimin e Maqedonisë, dhe me atë edhe për stabilitetin e gjithë rajonit, qëndron në kumtesë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.10.2018, 16:19  | T.E. | 2.873 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.