ZHURNAL.MK ZHURNAL.KS ZHURNAL.AL

 

Lajme nga Maqedonia
Ministri Suhejl Fazliu avancoi 7 shqiptarë në detyrë

Shkup, 18 shtator - Ministri për vetëqeverisje lokale, Suhejl Fazliu, këto ditë përmes konkursit intern avancoi 9 të punësuar prej të cilëve 7 shqiptarë. Avancim të këtillë nuk ka pasur vite me radhë dhe është hera e parë që një numër kaq i madh në kuadër të ministrisë të ngriten në detyrë. Me këtë hap të rëndësishëm, ministri Fazliu përmirësoi dukshëm pozicionimin vertikal të të punësuarve e sidomos  të kuadrit shqiptarë në këtë ministri.

Vlen të theksojmë se në këtë ministri një kohë të gjatë nuk ka pasur avancime të brendshme të kuadrit punonjës aq më tepër se disa të punësuar presin mbi një dekadë për ripozicionim kurse disa të tjerë edhe pse në ndërkohë kanë kryer fakultete ende gjenden në pozicionet fillestare prej kurë janë punësuar.

Hapi i avancimit të kuadrit nga ana e ministrit Suhejl Fazliu është përshëndetur nga ana e të punësuarve të cilës shohin shpresën edhe për avancime të reja.

Përndryshe, Numri i përgjithshëm i të punësuarve në Ministrinë për vetëqeverisje lokale sillet në mbi 50 prej të cilëve mbi 30-të janë shqiptarë që është si rezultat i punësimeve nga ministrat paraprak, por avancimi i tanishëm vertikal meriton çdo respekt.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 18.09.2018, 18:49  | T.E. | 4,025 i lexuar

 

 

 

Qeveria dhe organizatat mediatike për standardizimin e mediave të internetit

Shkup, 15 tetor - Përfaqësues të tre organizatave mediatike SHGM, SPGM dhe KEMM, të cilët e zhvillojnë iniciativën për krijimin e minimum kritereve në drejtim të mbrojtjes dhe promovim të profesionit në mediat e internetit, sot në takim me përfaqësuesit e Qeverisë informuan për idenë bazë dhe nevojën që të respektohen parime themelore të profesionit të gazetarëve në sferën e internetit.

Siç kumtuan nga shërbimi qeveritar për media, në takim morën pjesë ministri obliguar për komunikime, raportim dhe transparencë, Robert Popovski, këshilltari për marrëdhënie me opinionin të kryeministrit, Marjan Zabërçanec dhe zëdhënësi i Qeverisë Mile Boshnjakovski mbajnë takim pune me përfaqësuesit e SHGM-së, Naser Selmani, kryetaren e Këshillit drejtues të Këshillit për etikë të mediave, Katerina SInadinovska dhe kryetaren e Sindikatës së pavarur të gazetarëve dhe punonjësve mediatikë, Tamara Çausidis.

"Ministri Popovski në takim e përshëndeti inciativën, duke potencuar se organizatat janë në rrugë të duhur përmes vetërregullimit për t'i theksuar dhe konfirmuar paqartësitë, të cilat ekzistojnë në sferën e internet mediave me qëllim që të arrihen standardet etike", qëndron në kumtesë.

Në takimin e punës, organizatat mediatike gjithashtu i paralajmëruan aktivitetet e ardhshme lidhur me iniciativën, gjegjësisht miratim shtesë të kritereve dhe afatin kohor me qëllim që të gjitha palët e cenueshme të cilat punojnë në hapësirën e internetit në Maqedoni, të ketë periudhë për përshtatje.

"Qeveria e Republikës së Maqedonisë, qartë tregon se çdoherë do të jetë partnere e organizatave mediatike në aktivitetet e tyre të cilat janë shumë të rëndësishme, si për mediat dhe punonjësit mediatikë, ashtu edhe për interesin publik të qytetarëve në vend", theksohet në kumtesë. 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 16:35  | T.E. | 581 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.